រាជធានីភ្នំពេញ ៖ សេចក្តីរាយការណ៍បឋមឱ្យដឹងថា បុរសជនជាតិចិន៣នាក់ បានបង្កហិង្សារហូតប្រើកាំបិតដេញចាក់គ្នា ធ្វើឱ្យម្នាក់បានរត់ចុះពីលើផ្ទះសំណាក់ទាំងមានរបួស ។ ក្រោយមក២នាក់ទៀត បានព្យាយាមរត់គេច តែត្រូវសមត្ថកិច្ចឃាត់ខ្លួនបានទាំងអស់ រួមទាំងអ្នករងរបួសផងដែរ ។
ហេតុការណ៍នេះ បានបង្កការភ្ញាក់ផ្អើលខ្លាំង នៅវេលាម៉ោង០៣ និង២០នាទីរសៀលថ្ងៃទី២៤ តុលា ស្ថិតក្នុងផ្ទះសំណាក់យីហោ «សុខា» លើផ្លូវលេខ៣១០ ក្នុងសង្កាត់ទួលស្វាយព្រៃ១ ខណ្ឌចំការមន ។
ជំហានដំបូង គេមិនដឹងពីមូលហេតុដែលចិន៣នាក់នេះឈ្លោះគ្នារឿងអ្វីនោះទេ ។ ហើយក៏មិនទាន់ស្គាល់ឈ្មោះនោះដែរ ដោយសមត្ថកិច្ចកំពុងធ្វើការពិនិត្យ និងសាក
សួរ ។
ករណីហិង្សានេះ បានធ្វើឱ្យពលរដ្ឋភ្ញាក់ផ្អើលយ៉ាងខ្លាំង ដោយម្នាក់ៗគិតថា មានករណីឃាតកម្មកើតឡើងនៅក្នុងផ្ទះសំណាក់ «សុខា» នោះ ។ លុះពេលសមត្ថកិច្ចចូលទៅពិនិត្យ និងសួរនាំទើបដឹងថា ជារឿងចិនៗឈ្លោះសោះ ។
ចែករំលែកព័តមាននេះ