រាជធានីភ្នំពេញ ៖ តាមសេចក្តីរាយការណ៍បានឱ្យដឹងថា កាលពីវេលាម៉ោងប្រមាណ១០និង៣០នាទីព្រឹកថ្ងៃទី២៤ ខែតុលា ឆ្នាំ២០១៧ នេះសមត្ថកិច្ចគណៈបញ្ជាការខណ្ឌឬស្សីកែវបានចុះបង្ក្រាបទីតាំងGameបាញ់ត្រីលួចលាក់មួយកន្លែងស្ថិតនៅក្នុងសង្កាត់ទួលសង្កែ ខណ្ឌឬស្សីកែវ ។ តាមប្រភពបានឱ្យដឹងថា…
រាជធានីភ្នំពេញ ៖ តាមសេចក្តីរាយការណ៍បានឱ្យដឹងថា កាលពីវេលាម៉ោងប្រមាណ១០និង៣០នាទីព្រឹកថ្ងៃទី២៤ ខែតុលា ឆ្នាំ២០១៧ នេះសមត្ថកិច្ចគណៈបញ្ជាការខណ្ឌឬស្សីកែវបានចុះបង្ក្រាបទីតាំងGameបាញ់ត្រីលួចលាក់មួយកន្លែងស្ថិតនៅក្នុងសង្កាត់ទួលសង្កែ ខណ្ឌឬស្សីកែវ ។
តាមប្រភពបានឱ្យដឹងថា ប្រតិបត្តិការណ៍ចុះបង្ក្រាបនេះត្រូវបានដឹកនាំដោយលោក ប្រាជ្ញ សីហា អភិបាលរងខណ្ឌឬស្សីកែវបានដឹកនាំក្រុមសមត្ថកិច្ចគណៈបញ្ជាការខណ្ឌឬស្សីកែវចុះបង្ក្រាបដល់ទីតាំងខាងលើដែលជាកន្លែងលួចបើក Game បាញ់ត្រីលួចលាក់ជាយូរមកហើយ ។ ក្នុងការបង្ក្រាបនោះផងដែរសមត្ថកិច្ចបានដកហូតនៅទូបាញ់ត្រីចំនួន២ និងឃាត់ខ្លួនបុរសម្នាក់ និងស្ត្រី២នាក់ដែលក្នុងចំណោមស្ត្រី២នាក់នោះមានម្នាក់ដែលគេស្គាល់ថា ជាតារាចម្រៀងជើងចាស់ឈ្មោះ អ៊ុំ គន្ធា ។ រីឯម្ចាស់ផ្ទះលួចបង្កប់Gameបាញ់ត្រីលួចលាក់ខាងលើឈ្មោះ ទឹន យូឡង ភេទប្រុស អាយុ៦០ឆ្នាំ បានរត់គេចខ្លួនបាត់ស្រមោល ។ ទីតាំងលួចបង្កប់Gameបាញ់ត្រីខាងលើនោះផងដែរត្រូវបានគេរាយការណ៍ថា មានលួចប្រើប្រាស់គ្រឿងញៀនផងដែរ ។
តាមប្រភពបន្តថា សមត្ថកិច្ចបានរឹបអូសយកទូGameបាញ់ត្រីខាងលើយកទៅកម្ទេចចោល ចំណែកឯបុរសម្នាក់ និងស្ត្រីម្នាក់រួមនឹងតារាចម្រៀងជើងចាស់ឈ្មោះ អ៊ុំ គន្ធា ដែលសមត្ថកិច្ចឃាត់ខ្លួនបានអង្វរកុំឱ្យបញ្ជូននាងទៅអធិការដ្ឋានអី តែត្រូវបានសមត្ថកិច្ចបញ្ជួនខ្លួនទៅកាន់អធិការដ្ឋាននគរបាលខណ្ឌទាំងអស់ដើម្បីចាត់ការបន្តតាមនីតិវិធី ៕
ចែករំលែកព័តមាននេះ