Everton បណ្តេញអ្នកចាត់ការ Ronald Koeman ចេញ ក្រោយពីចាញ់ក្រុមកាំភ្លើងធំ
តាមប្រភពព័ត៌មាន Daily Mail បានឲ្យដឹងថា អ្នកចាត់ការក្លឹប Everton លោក Ronald Koeman ត្រូវបានបណ្តេញចេញបន្ទាប់ពីចាញ់…
តាមប្រភពព័ត៌មាន Daily Mail បានឲ្យដឹងថា អ្នកចាត់ការក្លឹប Everton លោក Ronald Koeman ត្រូវបានបណ្តេញចេញបន្ទាប់ពីចាញ់ Arsenal កាលពីថ្ងៃអាទិត្យជាមួយនឹងលទ្ធផល ៥ទល់នឹង២ ដែលធ្វើឲ្យ Everton ធ្លាក់ក្របខ័ណ្ឌ Premier League ។
Everton បានចេញសេចក្តីប្រកាសជាផ្លូវការកាលពីម្សិលមិញ ថាខ្លួនបានបញ្ឈប់អ្នកចាត់ការ Ronald Koeman ហើយ ក្រោយពីដឹកនាំមិនបានល្អនៅដើមរដូវកាល ។
ក្លឹបស្ករគ្រាប់បានសរសេរថា ៖ “ពិតជាសម្តែងការដឹងគុណចំពោះលោក Ronald ដែលបានបម្រើក្លឹបអស់រយៈពេល១៦ខែមកនេះ ។”
នៅក្នុងសារពេញបានសរសេរថា ៖ “Everton សូមបញ្ជាក់ថាលោក Ronald Koeman បានចាកចេញពីក្លឹបហើយ ។ ម្ចាស់ក្លឹប Bill Kenwright រួមជាមួយនឹងម្ចាស់ភាគហ៊ុន Farhad Moshiri និងថ្នាក់ដឹកនាំផ្សេងប្រចាំក្លឹប សូមថ្លែងអំណរគុណដល់លោក Ronald ដែលបានបំពេញតួនាទីយ៉ាងល្អនៅក្នុងក្លឹបអស់រយៈពេល១៦ខែមកនេះ ដោយជួយឲ្យក្លឹបឈរនៅលំដាប់ទី៧កាលពីរដូវកាលមុន ។”
គួរបញ្ជាក់ថា អ្នកដែលត្រូវមកកាន់តំណែងរបស់ Ronald ជាបណ្តោះអាសន្នគឺលោក David Unsworth ដែលជាអតីតខ្សែការពាររបស់ Everton និងធ្លាប់ជាអ្នកចាត់ការក្លឹប Everton កាលពីឆ្នាំ២០១៦ ៕
ចែករំលែកព័តមាននេះ