រាជធានីភ្នំពេញ ៖ លោកនុត ពុធដារ៉ា អភិបាលខណ្ឌដង្កោ បានណែនាំដល់បងប្អូនប្រជាពលរដ្ឋនៅក្នុងសង្កាត់សាក់សំពៅ ដែលជាសង្កាត់ជាយរាជធានី ត្រូវតែប្រុងប្រយ័ត្នចំពោះគោ និងទ្រព្យសម្បត្តិក្នុងផ្ទះរបស់ខ្លួន ហើយត្រូវតែការពារពេលយប់ព្រលប់កុំឱ្យចោរចូលលួចបាន ព្រោះគោជាកម្លាំងអូសទាញដ៏សំខាន់បំផុតសម្រាប់ប្រជាកសិករ ។ ជាងនេះទៀតលោកបានជំរុញឱ្យបងប្អូនប្រជាពលរដ្ឋទាំងអស់ត្រូវតែរៀបចំធ្វើត្រដោក ឬជួងទុកសម្រាប់វាយពេលចោរចូលធ្វើសកម្មភាពលួចទ្រព្យសម្បត្តិក្នុងភូមិពេលយប់ ។
លោកអភិបាលខណ្ឌដង្កោថ្លែងបែបនេះក្នុងពេលដែលលោក និងមន្ត្រីក្រោមឱវាទជាច្រើនរូបទៀត នាំយកអំណោយរបស់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជាទៅចែកជូនដល់បងប្អូនប្រជាពលរដ្ឋក្រីក្រ និងចាស់ជរា១០គ្រួសារកាលពីព្រឹកថ្ងៃទី១០ តុលា ២០១២ នៅក្នុងភូមិខ្វិត សង្កាត់សាក់សំពៅ ខណ្ឌដង្កោ ។
អំណោយដែលនាំយកទៅចែកជូនដល់ប្រជាពលរដ្ឋក្រីក្រនាពេលនោះ ក្នុង១គ្រួសារទទួលបានអង្ករ២៥គីឡូក្រាម មី១កេស ទឹកត្រី ១យួរ ទឹកស៊ីអីុវ១យួរ ចានស្រាក់១សម្រាប់ ឆ្នាំង១ ស្ករស២កញ្ចប់ តែ២កញ្ចប់ ទឹកដោះគោ៥កំប៉ុង ទឹកក្រូច១០កំប៉ុង ផ្តិល១ និងថវិកាចំនួន១០ម៉ឺនរៀល ។
ព័ត៌មានលំអិតនឹងផ្សាយជូននៅពេលក្រោយ នៅលើទំព័រកាសែតកោះសន្តិភាព និងនៅតាមវិទ្យុសំឡេងកោះសន្តិភាព FM 87.75 រាជធានីភ្នំពេញ, FM 87.5 ខេត្តបាត់ដំបង៕
ចែករំលែកព័តមាននេះ