ខេត្តសៀមរាប ៖ កម្លាំងការិយាល័យ ប្រឆាំងគ្រឿងញៀនខេត្ត បានចូលរួមសហការណ៍ជាមួយកម្លាំងការិយាល័យចរាចរណ៍ផ្លូវគោក នៃស្នងការដ្ឋាននគរបាលខេត្តសៀមរាប និងកម្លាំងការិយាល័យនគរបាលចរាចរណ៍ផ្លូវគោក បានចុះបង្ក្រាបករណីជួញដូរ និងរក្សាទុកប្រើប្រាស់ដោយខុសច្បាប់នូវសារធាតុញៀន ឈានដល់ធ្វើការឃាត់ខ្លួនបានជាបន្តបន្ទាប់…
ខេត្តសៀមរាប ៖ កម្លាំងការិយាល័យ ប្រឆាំងគ្រឿងញៀនខេត្ត បានចូលរួមសហការណ៍ជាមួយកម្លាំងការិយាល័យចរាចរណ៍ផ្លូវគោក នៃស្នងការដ្ឋាននគរបាលខេត្តសៀមរាប និងកម្លាំងការិយាល័យនគរបាលចរាចរណ៍ផ្លូវគោក បានចុះបង្ក្រាបករណីជួញដូរ និងរក្សាទុកប្រើប្រាស់ដោយខុសច្បាប់នូវសារធាតុញៀន ឈានដល់ធ្វើការឃាត់ខ្លួនបានជាបន្តបន្ទាប់ ចំនួន២នាក់ក្នុងថ្ងៃតែមួយក្នុងក្រុងសៀមរាប រួចបញ្ជូនមកកាន់ការិយាល័យជំនាញ ដើម្បីរៀបចំសំណុំរឿងបញ្ជូនបន្តទៅតុលាការខេត្ត ចាត់ការតាមនីតិវិធី។
ហេតុការណ៍ឃាត់ខ្លួនអ្នកញៀនថ្នាំទាំង២នាក់នោះធ្វើឡើងនៅថ្ងៃទី២២ ខែតុលា ឆ្នាំ២០១៧ នៅភូមិសាស្ត្រសង្កាត់ស្វាយដង្គំ ក្រុង/ខេត្តសៀមរាប។ តាមប្រភពពីមន្ត្រីការិយាល័យជំនាញបានប្រាប់ថា ជនសង្ស័យទាំង២នាក់មាន៖ ទី១/ឈ្មោះ សៅ មករា ភេទប្រុស អាយុ១៧ឆ្នាំ មុខរបរគ្មាន ទីលំនៅភូមិគោកដូង សង្កាត់ទឹកវិល ក្រុង/ខេត្តសៀមរាប(ជួញដូរ)(មានសារធាតុញៀនក្នុងខ្លួន) និងទី២/ឈ្មោះ ធា តុល ភេទប្រុស អាយុ១៨ឆ្នាំ មុខរបរកម្មករសំណង់ មានទីលំនៅភូមិត្រពាំងសេះ សង្កាត់គោកចក ក្រុងសៀមរាប(រក្សាទុក និងប្រើប្រាស់) មានសារធាតុក្នុងខ្លួន។
បន្ទាប់ពីកម្លាំងជំនាញឃាត់ខ្លួនបានជនសង្ស័យទាំង២នាក់ ក្នុងនោះដកហូតបានវត្ថុតាងរួមមាន៖ ម្សៅមេតំហ្វេតាមីន ប្រភេទម៉ាទឹកកកចំនួន១កញ្ចប់ ស្មើទម្ងន់០,១ក្រាម សម្ភារវេចខ្ចប់ថ្នាំញៀនមួយចំនួន និង ទូរស័ព្ទដៃចំនួន០១គ្រឿង។ បច្ចុប្បន្នជនសង្ស័យទាំង២នាក់ និងវត្ថុតាងត្រូវបានកម្លាំងជំនាញរៀបចំកសាងបញ្ចូនខ្លួនទៅសាលាដំបូងខេត្តថ្ងៃទី២៣ ខែតុលា ឆ្នាំ២០១៧ ដើម្បីចាត់ការទៅតាមនីតិវិធី៕
ចែករំលែកព័តមាននេះ