វេបសាយ«Welt de» ផ្សាយថា សភាប៊ែរឡាំងបានឆ្លងសេចក្តីព្រាងច្បាប់ផ្តល់ប្រាក់ចូលនិវត្តន៍ដល់ឆ្កែដែលធ្លាប់ប្រតិបត្តិតួនាទីជាមួយប៉ូលិស បន្ទាប់ពីមុននេះអ្នកដែលចិញ្ចឹមឆ្កែនោះ ត្រូវទទួលខុសត្រូវលើការចំណាយទាំងស្រុង ។ សភានៅក្រុងប៊ែរឡាំង ដែលមានគណបក្សចម្រុះចូលរួមបានយល់ស្របផ្តល់ប្រាក់ដល់ឆ្កែចូលនិវត្តន៍ដែលជួយប៉ូលិសក្នុងការប្រតិបត្តិការងារ ។…
វេបសាយ«Welt de» ផ្សាយថា សភាប៊ែរឡាំងបានឆ្លងសេចក្តីព្រាងច្បាប់ផ្តល់ប្រាក់ចូលនិវត្តន៍ដល់ឆ្កែដែលធ្លាប់ប្រតិបត្តិតួនាទីជាមួយប៉ូលិស បន្ទាប់ពីមុននេះអ្នកដែលចិញ្ចឹមឆ្កែនោះ ត្រូវទទួលខុសត្រូវលើការចំណាយទាំងស្រុង ។
សភានៅក្រុងប៊ែរឡាំង ដែលមានគណបក្សចម្រុះចូលរួមបានយល់ស្របផ្តល់ប្រាក់ដល់ឆ្កែចូលនិវត្តន៍ដែលជួយប៉ូលិសក្នុងការប្រតិបត្តិការងារ ។ សភាបានផ្តល់ប្រាក់ក្នុងការព្យាបាលឆ្កែ ថ្លៃធានារ៉ាប់រង និងថ្លៃម្ហូបអាហារ ដោយកាលពីមុនអ្នកទទួលចិញ្ចឹមឆ្កែចូលនិវត្តន៍ គឺជាអ្នកទទួលខុសត្រូវទាំងស្រុង ។ ឆ្កែទាំងនោះ នឹងទទួលប្រាក់ចូលនិវត្តន៍ចាប់តាំងពីឆ្នាំ២០១៨ ទៅលើឆ្កែដែលបំពេញតួនាទីជាអ្នកហិតក្លិនរុករកវត្ថុសង្ស័យ ឬជួយចាប់ជនសង្ស័យ និងមានរយៈពេលការងារ៨ឆ្នាំ ហើយបានទទួលប្រាក់លើចំណីប្រហែល១.៤០០អឺរ៉ូក្នុងមួយឆ្នាំ ។
ក្រៅពីនេះនៅក្នុងរដ្ឋ ផ្សេងៗទៀត ដូចជាហេមប៊ើក ផ្តល់ប្រាក់ចូលនិវត្តន៍ទៅលើឆ្កែប៉ូលិស ក្នុងមួយខែ១១០អឺរ៉ូ បន្ទាប់មកនៅមានរដ្ឋផើរីង ទទួលប្រាក់៨៥អឺរ៉ូក្នុងមួយខែ ចំណែករដ្ឋបាវ៉ារីយ៉ ប្រហែល៧៥អឺរ៉ូ ក្នុងមួយខែ ។
ក្រុងប៊ែរឡាំង បច្ចុប្បន្នបន្តពិភាក្សាជាមួយសភាជាតិ និងអាចមានប្រាក់ចូលនិវត្តន៍ប្រហែល៧០០អឺរ៉ូក្នុងមួយឆ្នាំសម្រាប់ឆ្កែ ៕
ចែករំលែកព័តមាននេះ