រកនឹកឃើញ! ចង់បាន A ទាល់តែស្រកសិនមក
ចិន ៖ តាមប្រភពព័ត៌មាន Oddity Central បានឲ្យដឹងថា នៅសាកលវិទ្យាល័យកសិកម្មណានជីង នៅខេត្តជាំងស៊ូ ប្រទេសចិន ផ្តល់នូវកម្មវិធីពិសេសសម្រាប់ឲ្យសិស្សសម្រកទម្ងន់…
ចិន ៖ តាមប្រភពព័ត៌មាន Oddity Central បានឲ្យដឹងថា នៅសាកលវិទ្យាល័យកសិកម្មណានជីង នៅខេត្តជាំងស៊ូ ប្រទេសចិន ផ្តល់នូវកម្មវិធីពិសេសសម្រាប់ឲ្យសិស្សសម្រកទម្ងន់ ហើយទទួលបានពិន្ទុល្អក្នុងថ្នាក់រៀន។
សាស្ត្រាចារ្យ Zhou Quanfu ផ្តើមគំនិតនេះឡើងដោយសារតែឃើញនិស្សិតជាច្រើននាក់ មិនខ្វល់ពីទម្ងន់របស់ខ្លួន ដោយគិតតែពីញ៉ាំ ហើយមិនហាត់ប្រាណ។ លោកបានបែងចែកភាគរយនៃពិន្ទុនៅក្នុងថ្នាក់ទៅជាពីរ។ ៦០% នៃពិន្ទុសរុបក្នុងថ្នាក់បានមកពីទម្ងន់ដែលនិស្សិតស្រក និង៤០%ទៀតបានមកពីការរៀនសូត្រ។ និស្សិតត្រូវសម្រកឲ្យបានលើសពី៧% នៃទម្ងន់ដើម ដើម្បីអាចទទួលបានពិន្ទុពេញ។
ក្រោយពេលអនុវត្តន៍គំនិតនេះទៅ គេឃើញថា និស្សិតជាច្រើនអាចស្រកបានដល់ទៅជិត៣០គីឡូក្រាម។ នេះពិតជាមានប្រសិទ្ធភាពមែន ដោយសារតែនិស្សិតស្រឡាញ់ពិន្ទុ៕
ចែករំលែកព័តមាននេះ