រាជធានីភ្នំពេញ ៖ រថយន្តដឹកឥដ្ឋដាច់ហ្វ្រាំងបោលទៅបុករះក្បាលនាគពុះចែកទ្រូងផ្លូវ និងរថយន្តម៉ាក CRV មួយគ្រឿងទៀត នៅចំណុចភ្លើងស្តុបខាងមុខវិទ្យាល័យបឹងត្របែក រថយន្តម៉ាកហ៊ីយន់ដាយធុនធំដឹកឥដ្ឋមួយគ្រឿង ដែលបើកបរដោយបុរសម្នាក់ក្នុងល្បឿនយ៉ាងលឿនបានបោលទៅបុកក្បាលនាគពុះចែកទ្រូងផ្លូវ បណ្តាលឲ្យបាក់អស់ចំនួន១កំណាត់…
រាជធានីភ្នំពេញ ៖ រថយន្តដឹកឥដ្ឋដាច់ហ្វ្រាំងបោលទៅបុករះក្បាលនាគពុះចែកទ្រូងផ្លូវ និងរថយន្តម៉ាក CRV មួយគ្រឿងទៀត នៅចំណុចភ្លើងស្តុបខាងមុខវិទ្យាល័យបឹងត្របែក រថយន្តម៉ាកហ៊ីយន់ដាយធុនធំដឹកឥដ្ឋមួយគ្រឿង ដែលបើកបរដោយបុរសម្នាក់ក្នុងល្បឿនយ៉ាងលឿនបានបោលទៅបុកក្បាលនាគពុះចែកទ្រូងផ្លូវ បណ្តាលឲ្យបាក់អស់ចំនួន១កំណាត់ និងបន្តទៅបុករថយន្តម៉ាក CRV របស់ជនបរទរសម្នាក់ទៀតពីក្រោយ បណ្តាលឲ្យកំពឹតរងការខូតខាងយ៉ាងដំណំ ខណៈកំពុងតែបើកសុខៗដាច់ហ្វ្រាំងជាន់មិនជាប់នោះ ។
ករណីគ្រោះថ្នាក់ចរាចរណ៍នេះដែរ បានកើតឡើងកាលពីវេលាម៉ោង១២និង១៥នាទីថ្ងៃត្រង់ ថ្ងៃទី២៣ ខែតុលា ឆ្នាំ២០១៧ នៅចំណុចភ្លើងស្តុបខាងមុខសាលាវិទ្យាល័យបឹងត្របែក ផ្លូវព្រះមុនីវង្ស ក្នុងសង្កាត់បឹងត្របែក ខណ្ឌចំការមន ។
តាមប្រភពព័ត៌មានពីនគរបាលចរាចរណ៍បានប្រាប់ឱ្យដឹងថា មុនពេលកើតហេតុ រថយន្តដឹកឥដ្ឋធុនធំមួយគ្រឿងម៉ាកហ៊ីយន់ដាយ ពណ៌ស ពាក់ស្លាកលេខ ភ្នំពេញ ៣A-១២៦៤ ដែលបើកបរដោយបុរសម្នាក់ក្នុងល្បឿនយ៉ាងលឿនក្នុងទិសដៅជើងទៅត្បូង លុះមកដល់ចំណុចកើតហេតុខាងលើ ដែលជាចំណុចភ្លើងស្តុបនោះ ។ បុរសអ្នកបើកបរក៏បានជាន់ហ្វ្រាំងដើម្បីបង្អង់ល្បឿនតែជាន់មិនស៊ី ក៏ទៅបុកក្បាលនាគពុះចែកទ្រូវផ្លូវ បណ្តាលឲ្យបាក់ខ្ទាតប្រមាណជាជាង២ម៉ែត្រ និងជ្រុលទៅបុករថយន្តរបស់បុរសជាជនបរទេសម៉ាក CRV ពណ៌ទឹកប្រាក់ ពាក់ស្លាកលេខ ភ្នំពេញ ២C-១៣៤៩ មួយគ្រឿងទៀតពីក្រោយ បណ្តាលឲ្យកំពឹតរងការខូចខាតយ៉ាងដំណំ និងសំណាងល្អមិនបង្កឲ្យមានមនុស្សណាម្នាក់រងគ្រោះថ្នាក់ ។
ករណីគ្រោះថ្នាក់ចរាចរនេះដែរ គឺកើតឡើងដោយសារតែរថយន្តដឹកឥដ្ឋខាងលើដាច់ហ្វ្រាំងជាន់មិនស៊ី ទើបបង្កឲ្យមានគ្រោះថ្នាក់ចរាចរបែបនេះ ។ ក្រោយពេលកើតហេតុ កម្លាំងនគរបាលចរាចរណ៍ខណ្ឌចំការមន ក៏បានចុះមកដល់កន្លែងកើតហេតុ ដោយភាគីរថយន្តដឹកឥដ្ឋបង្កចេញថ្លៃជួសជុលដល់រថយន្តម៉ាកស៊ី CRV របស់បុរសជាជនបរទេសខាងលើចំនួន១៦០ដុល្លារ ដើម្បីបញ្ចប់រឿង ដោយធ្វើឱ្យខូចខាតដល់សម្បត្តិសាធារណៈ រថយន្តដឹកឥដ្ឋនោះ ក៏ត្រូវបានបញ្ជូនយកទៅរក្សាទុកការិយាល័យនគរបាលចរាចរណ៍រាជធានីភ្នំពេញ ដើម្បីធ្វើការដោះស្រាយគ្នាជាបន្តទៅទៀត ៕
ចែករំលែកព័តមាននេះ