សហរដ្ឋអាមេរិក-ប្រទេសកូរ៉េខាងជើង ៖ ប្រធានាធិបតីអាមេរិក លោកដូណាល់ ត្រាំ ថ្លែងកាលពីថ្ងៃទី២២ តុលា ថា ប្រទេសលោកត្រៀមទាំងស្រុងរួចហើយឆ្លើយតបចំពោះកូរ៉េខាងជើង និងការគំរាមកំហែងនុយក្លេអ៊ែរ…
សហរដ្ឋអាមេរិក-ប្រទេសកូរ៉េខាងជើង ៖ ប្រធានាធិបតីអាមេរិក លោកដូណាល់ ត្រាំ ថ្លែងកាលពីថ្ងៃទី២២ តុលា ថា ប្រទេសលោកត្រៀមទាំងស្រុងរួចហើយឆ្លើយតបចំពោះកូរ៉េខាងជើង និងការគំរាមកំហែងនុយក្លេអ៊ែរ ព្រមទាំងបាលីស្ទិករបស់ប្រទេសនេះ ។
ក្នុងបទសម្ភាសន៍មួយជាមួយទូរទស្សន៍ FOX NEWS លោកត្រាំ និយាយយ៉ាងច្បាស់ថា លោកអាចប្រើការជ្រើសរើសខាងយោធាប្រឆាំងក្រុងព្យុងយ៉ាងក្នុងករណីចាំបាច់ ។ លោកគូសបញ្ជាក់ថា លោកអ្នកនឹងមានការភ្ញាក់ផ្អើលថាតើយើងបានត្រៀមទាំងស្រុងបែបណាក្នុងករណីចាំបាច់ ។
ភាពតានតឹងឡើងដល់កម្រិតកំពូលរយៈពេលប៉ុន្មានខែចុងក្រោយនេះ ខណៈលោកត្រាំ និងមេដឹកនាំកូរ៉េខាងជើង លោកគីម ជុងអ៊ុន ធ្វើការគំរាមដាក់គ្នាទៅវិញទៅមក ដោយសារកម្មវិធីនុយក្លេអ៊ែរ និងបាលីស្ទិករបស់ក្រុងព្យុងយ៉ាង ។
ចំណែករដ្ឋមន្ត្រីការបរទេសកូរ៉េខាងត្បូង លោកស្រី KANG KYUNG WHA ក្នុងបទសម្ភាសន៍មួយជាមួយ YONHAP កាលពីថ្ងៃទី២១ តុលា ថ្លែងថា កូរ៉េខាងជើងឈានដល់
ដំណាក់កាលចុងក្រោយនៃការអភិវឌ្ឍន៍អាវុធនុយក្លេអ៊ែរ ។ លោកស្រីបន្តថា កូរ៉េខាងជើងក៏ត្រៀមផងដែរធ្វើការបង្កហេតុនុយក្លេអ៊ែរមួយទៀតគ្រប់ពេល ។
ចំពោះការកត់សម្គាល់របស់លោក MIKE POMPEO នាយក CIA ដែលថា កូរ៉េខាងជើងរយៈពេលតែប៉ុន្មានខែទៀតប៉ុណ្ណោះអាចរហូតដល់វាយប្រហារសហរដ្ឋអាមេរិកជាមួយអាវុធនុយក្លេអ៊ែរ លោកស្រី KANG ឆ្លើយថា ប្រាកដហើយ ព្រោះក្រុងព្យុងយ៉ាងស្ថិតក្នុងដំណាក់កាលចុងក្រោយនៃការអភិវឌ្ឍន៍អាវុធនុយក្លេអ៊ែរ ៕
ចែករំលែកព័តមាននេះ