មណ្ឌលគិរី ៖ ជនដៃដល់បីនាក់ត្រូវបានកម្លាំងនគរបាលក្រុងសែនមនោរម្យ ចាប់ឃាត់ខ្លួនភ្លាមៗ ក្រោយពីធ្វើសកម្មភាព វាយទៅលើបុរសម្នាក់យ៉ាងកម្រោល ហេតុការណ៍នេះបានកើតឡើងនៅវេលាម៉ោង១៨នឹង៣០នាទីថ្ងៃទី២២ ខែតុលា ឆ្នាំ២០១៧ ក្នុងភូមិចំប៉ក់…
មណ្ឌលគិរី ៖ ជនដៃដល់បីនាក់ត្រូវបានកម្លាំងនគរបាលក្រុងសែនមនោរម្យ ចាប់ឃាត់ខ្លួនភ្លាមៗ ក្រោយពីធ្វើសកម្មភាព វាយទៅលើបុរសម្នាក់យ៉ាងកម្រោល ហេតុការណ៍នេះបានកើតឡើងនៅវេលាម៉ោង១៨នឹង៣០នាទីថ្ងៃទី២២ ខែតុលា ឆ្នាំ២០១៧ ក្នុងភូមិចំប៉ក់ សង្កាត់ស្ពានមានជ័យ ។
ជនសង្ស័យចំនួន៣នាក់ទី១- សុខ វិសាល អាយុ៣៨ឆ្នាំ មុខរបរមគ្គុទេសទេសចរណ៏ រស់នៅភូមិដោះក្រមុំ សង្កាត់សុខដុម ទី២- បឿន ចាវ អាយុ២៦ឆ្នាំ មុខរបរកសិករ រស់នៅភូមិដើមស្រល់ សង្កាត់មនោរម្យ ក្រុងសែនមនោរម្យ និងទី៣- ថន សូរិយា អាយុ២៨ឆ្នាំ មុខរបរកសិករ រស់នៅភូមិដើមស្រល់ សង្កាត់មនោរម្យ ។ ចំណែកជនរងគ្រោះមានឈ្មោះរស់ សុអាន អាយុ ៣៧ឆ្នាំ ។ លោកបានបញ្ជាក់ថា ជនបង្កធ្លាប់មានគំនុំទាស់ពាក្យសម្តីជាមួយជនរងគ្រោះ ខណៈនៅពេលកើតហេតុពួកគេ ឃើញ ជនរងគ្រោះនៅម្នាក់ឯង ក៏នាំគ្នាវាយសន្ឋប់លើជនរងគ្រោះតែម្តង ។ ជាពិសេសពួកគេតែងផឹកស៊ីនៅ តាមសួនច្បារ បង្កការភ័យខ្លាចដល់ប្រជាពលរដ្ឋ នឹងភ្ញៀវទេសចរណ៏ទៀតផង ។
លោកអធិការក្រុងបាននិយាយថា ជនសង្ស័យទាំងបីនាក់ខាងលើ នឹងត្រូវបញ្ជូនទៅសាលាដំបូងខេត្ត ដើម្បីចាត់ការតាមផ្លូវ ច្បាប់ ព្រោះជនទាំងបីនាក់នេះ គឺបានប្រព្រឹត្តឹនូវសកម្មភាពដដែលៗ ទោះសមត្ថកិច្ចធ្លាប់ បានធ្វើការណែនាំ នឹងអប់រំយ៉ាង ណាក៏ដោយ នៅតែប្រព្រឹត្តសកម្មភាពអនាធិបតេយ្យនៅទីសាធារណៈជាញឹកញាប់ ៕
ចែករំលែកព័តមាននេះ