រាជធានីភ្នំពេញ ៖ បុរសម្នាក់បើករថយន្តមួយគ្រឿងបោះពួយយ៉ាងលឿន ហើយព្យាយាមវ៉ាជែងក៏ជ្រុលទៅបុករថយន្តកាមរីកូរ៉ូឡាមួយគ្រឿងទៀត ដែលទើបនឹងចេញពីហាត់សមល្ខោនខោល ចំពីមុខពេញទំហឹង បណ្តាលឲ្យរថយន្តរងការខូចខាតទាំងសងខាង តែមិនបង្កឲ្យមានអ្នករងរបួសនោះទេ ។ ហេតុការណ៍នេះបង្កឲ្យមានការភ្ញាក់ផ្អើលឡើងកាលពីវេលាម៉ោង១០និង៤០នាទីយប់…
រាជធានីភ្នំពេញ ៖ បុរសម្នាក់បើករថយន្តមួយគ្រឿងបោះពួយយ៉ាងលឿន ហើយព្យាយាមវ៉ាជែងក៏ជ្រុលទៅបុករថយន្តកាមរីកូរ៉ូឡាមួយគ្រឿងទៀត ដែលទើបនឹងចេញពីហាត់សមល្ខោនខោល ចំពីមុខពេញទំហឹង បណ្តាលឲ្យរថយន្តរងការខូចខាតទាំងសងខាង តែមិនបង្កឲ្យមានអ្នករងរបួសនោះទេ ។ ហេតុការណ៍នេះបង្កឲ្យមានការភ្ញាក់ផ្អើលឡើងកាលពីវេលាម៉ោង១០និង៤០នាទីយប់ ថ្ងៃទី២២ ខែតុលា ឆ្នាំ២០១៧ ត្រង់ចំណុចខាងមុខខារ៉ាអូខេអ៊ឹមភឺរៀល តាមបណ្តោយផ្លូវ១៩៨៦ ស្ថិតក្នុងសង្កាត់ភ្នំពេញថ្មី ខណ្ឌសែនសុខ ។
តាមប្រភពព័ត៌មានពីកន្លែងកើតហេតុ បានឲ្យដឹងថា នៅមុនពេលកើតហេតុ គេឃើញបុរសពីរនាក់ស្រវឹងស្រា បើកបររថយន្តមួយគ្រឿងម៉ាកកាមរីកូរ៉ឡា ពណ៌ខ្មៅ ពាក់ស្លាកលេខ ភ្នំពេញ ១G-៤៦៤៥ ទើបតែចេញមកពីហាត់សមល្ខោនខោល នៅសាលាភូមិន្ទវិចិត្រសិល្បៈ រួចបំណងទៅផ្ទះវិញនៅសំរោងអន្តែត ដោយធ្វើដំណើរតាមបណ្តោយផ្លូវ១៩៨៦ ក្នុងទិសដៅពីកើតទៅលិច និងក្នុងល្បឿនយ៉ាងលឿន ។ លុះមកដល់ចំណុចកើតហេតុ ស្រាប់តែមានរថយន្តមួយគ្រឿងទៀតម៉ាកឡិចស៊ីស RX330 ពណ៌ស្ករ ពាក់ស្លាកលេខ ភ្នំពេញ ២M-៥៨០៨ បើកបរដោយបុរសម្នាក់ក្នុងស្ថានភាពស្រវឹង ទិសដៅបញ្ច្រាសទិសដៅគ្នា និងក្នុងល្បឿនយ៉ាងលឿន ព្យាយាមបើកវ៉ាជែងខាងឆ្វេងរថយន្តមួយគ្រឿងទៀតមិនចាំម៉ាក ក៏ជ្រុលទៅបុករថយន្តកូរ៉ូឡាខាងលើ ចំពីមុខចំហៀងខាងឆ្វេងពេញទំហឹង បណ្តាលឲ្យរថយន្តទាំងពីរប៉ើងទៅទទឹងផ្លូវទល់ក្បាលដាក់គ្នា បណ្ដាលឲ្យរថយន្តឡិចស៊ីសរងការខូចខាតដាច់កង់ខាងមុខចំហៀងខាងឆ្វេង ចំណែកឯរថយន្តកូរ៉ូឡារងការខូចខាតកំពឹត និងដាច់កាឡេកង់មុខចំហៀងខាងឆ្វេងយ៉ាងដំណំ ។ គួរបញ្ជាក់ថា នៅក្នុងហេតុការណ៍គ្រោះថ្នាក់ចរាចរណ៍ខាងលើនេះ មិនបង្កឲ្យមានអ្នកទទួលរងរបួសទេ គ្រាន់តែរងការខូចខាតរថយន្ត ។
ក្រោយពេលកើតហេតុ សមត្ថកិច្ចមូលដ្ឋានបានចុះមកដល់កន្លែងកើតហេតុ និងបានទាក់ទងទៅសមត្ថកិច្ចជំនាញផ្នែកចរាចរណ៍ឲ្យចុះមកធ្វើការវាស់វែងយករថយន្តទាំងពីរទៅរក្សាទុកនៅការិយាល័យចរាចរណ៍ផ្លូវគោក នៃស្នងការដ្ឋានរាជធានីភ្នំពេញ ដើម្បីរងចាំធ្វើការដោះស្រាយគ្នានៅពេលក្រោយ ៕
ចែករំលែកព័តមាននេះ