រាជធានីភ្នំពេញ ៖ ពីរនាក់ម្តាយ និងកូនប្រុស ខណៈកំពុងជិះម៉ូតូចេញពីផ្សារត្រលប់ទៅផ្ទះវិញលុះធ្វើដំណើរជិតដល់ផ្ទះទៅហើយ ក៏ស្រាប់តែមានជនសង្ស័យចំនួន៤នាក់បានធ្វើសកម្មភាពឆក់យកការបូបស្ពាយពីស្ត្រីជាម្តាយតែមិនបានសំរេច បណ្តាលឱ្យស្ត្រីជាម្តាយធ្លាក់ពីលើម៉ូតូរងរបួសបែកក្បាល ហេតុការណ៍នេះដែរបង្កឱ្យមានការភ្ញាក់ផ្អើលឡើងកាលពីវេលាម៉ោង៧នឹង៤០នាទីយប់ ថ្ងៃទី២២ ខែតុលា…
រាជធានីភ្នំពេញ ៖ ពីរនាក់ម្តាយ និងកូនប្រុស ខណៈកំពុងជិះម៉ូតូចេញពីផ្សារត្រលប់ទៅផ្ទះវិញលុះធ្វើដំណើរជិតដល់ផ្ទះទៅហើយ ក៏ស្រាប់តែមានជនសង្ស័យចំនួន៤នាក់បានធ្វើសកម្មភាពឆក់យកការបូបស្ពាយពីស្ត្រីជាម្តាយតែមិនបានសំរេច បណ្តាលឱ្យស្ត្រីជាម្តាយធ្លាក់ពីលើម៉ូតូរងរបួសបែកក្បាល ហេតុការណ៍នេះដែរបង្កឱ្យមានការភ្ញាក់ផ្អើលឡើងកាលពីវេលាម៉ោង៧នឹង៤០នាទីយប់ ថ្ងៃទី២២ ខែតុលា ឆ្នាំ២០១៧ ចំណុចផ្លូវ១៩៩កែងនឹងផ្លូវ៤៣០ ភូមិ៤ សង្កាត់ទំនប់ទឹក ខណ្ឌចំការមន ។ ជនរងគ្រោះទាំងពីរនាក់ម្តាយកូនមិនបានឱ្យស្គាល់អត្តសញ្ញាណនោះទេ គ្រាន់តែដឹងថា ជិះម៉ូតូម៉ាក ស៊ុយហ្ស៊ុគីឡែត ពណ៌ស ។
តាមប្រភពព័ត៌មានពីអ្នកឃើញហេតុការណ៍ផ្ទាល់ភ្នែកបានឱ្យដឹងថា មុនពេលកើតហេតុគេបានឃើញ បុរសម្នាក់ និងស្ត្រីម្នាក់ ត្រូវជាម្តាយ និងកូនបានជិះម៉ូតូម៉ាកស៊ុយហ្ស៊ុគីឡែត ពណ៌ស បានធ្វើដំណើរតាមផ្លូវ១៩៩ ក្នុងទិសដៅពីកើតទៅលិច ខណៈមកដល់ចំណុចកើតហេតុ ក៏ស្រាប់តែមានបុរសជាជនសង្ស័យ៤នាក់បានជិះ២គ្រឿងម៉ាកហុងដាឌ្រីមមួយគ្រឿង និងមួយគ្រឿងទៀតជាប្រភេទម៉ូតូអូតូ បានធ្វើដំណើរតាមផ្លូវ៤៣០ក្នុងទិសដៅពីត្បូងទៅជើង បានធ្វើសកម្មភាពឆក់យកកាបូបស្ពាយពីស្ត្រីជាម្តាយដែលអង្គុយខាងក្រោយតែមិនបានសំរេច បណ្តាលឱ្យស្ត្រីរូបនោះដួល និងធ្លាក់ពីលើម៉ូតូរងរបួសបែកក្បាលខាងក្រោយ ចំណែកកូនប្រុសជាអ្នកឌុបអត់មានរងរបួសនោះទេ ។ ដោយឡែកជនសង្ស័យវិញបាននាំគ្នាជិះម៉ូតូរត់គេចខ្លួនបាត់ស្រមោលតែម្តង ។
តាមប្រភពពីកូនប្រុសដែលជាអ្នកឌុបម្តាយបានឱ្យដឹងថា មុននៅមុនពេលកើតហេតុពួកគាត់ពីរនាក់ម្តាយ និងកូនបានចេញពីលក់ ឥវ៉ាននៅផ្សារអូឡាំពិច បានជិះម៉ូតូខាងលើគោលបំណងត្រលប់មកផ្ទះវិញនៅម្តុំក្រោយផ្សារសុវណ្ណា ខណៈមកដល់ចំណុចកើតហេតុ ជិតនឹងដល់ផ្ទះទៅហើយក៏ស្រាប់តែមានបុរស៤នាក់ជិះម៉ូតូ២គ្រឿង ម៉ាកហុងដាឌ្រីម និងមួយគ្រឿងទៀតមិនចាំម៉ាក បានជិះមកក្នុងទិសដៅ បញ្ច្រាសទិសដៅគ្នាហើយពេលនោះមានម៉ូតូមួយគ្រឿងបានជិះមកប៉ះ និងកន្ទុយម៉ូតូរបស់គាត់បណ្តាលឱ្យម៉ូតូដួលតែម្តងទៅ ចំណែករឿងឆក់កាបូបវិញរូបគាត់ជាកូនមិនបានដឹងនោះទេ ព្រោះគាត់ជាអ្នកបើកម៉ូតូទាល់តែសួរម្តាយរបស់គាត់ទើបដឹងរឿងច្បាស់ ។
រីឯស្ត្រីជាម្តាយវិញមិនអាចនិយាយបានទេព្រោះរងរបួសធ្ងន់ ។ ក្រោយពេលកើតហេតុ ជនរងគ្រោះត្រូវបានរថយន្តសង្គ្រោះបានដឹកយកទៅសង្គ្រោះនៅគ្លិនិចឯកជន ចំណែកម៉ូតូត្រូវបានកូនដែលអត់មានរងរបួសជិះយកទៅតាមក្រោយ ៕
ចែករំលែកព័តមាននេះ