តាមប្រភពព័ត៌មាន Marca បានឲ្យដឹងថា មានភាគីជាច្រើនបានសម្តែងការចាប់អារម្មណ៍លើការទិញយកក្លឹបបាល់ទាត់ Newcastle United បន្ទាប់ពីម្ចាស់របស់វា លោក Mike Ashley បានដាក់លក់កាលពីថ្ងៃច័ន្ទ ។
ការលើកឡើងខាងលើនេះ គឺជាសម្តីរបស់មេធាវី Andrew Henderson ដែលជាមេធាវីរបស់លោក Mike និយាយកាលពីថ្ងៃព្រហស្បត្តិ៍ ។
នៅក្នុងចំណោមភាគីមានឥទ្ធិពលទាំងនោះ មានក្រុមហ៊ុន PCP Capital Partners ដែលមានសេដ្ឋីនី Amanda Staveley ជាម្ចាស់ ។ ក្រុមហ៊ុននេះហ៊ានដេញថ្លៃ៤០០លានដុល្លារ ក្នុងការទិញយកក្លឹបនេះ ។ លោកមេធាវី Andrew បានមានប្រសាសន៍ប្រាប់ទៅ Sky Sport ថា ៖ “ចាប់តាំងពីថ្ងៃច័ន្ទមក ចំនួនអ្នកចង់បានក្លឹបនេះកាន់តែកើនឡើងៗគួរឲ្យកត់សម្គាល់ ។ យើងកំពុងតែបន្តទាក់ទងទៅអ្នកទិញផ្សេងៗទៀត ដែលបានចរចារជាមួយយើងកាលពីថ្ងៃច័ន្ទ ។”
គួរបញ្ជាក់ផងដែរថា ក្លឹបមួយនេះធ្លាប់ធ្លាក់មុខមាត់ចំនួនពីរដង រាប់តាំងពីលោក Mike ទិញវាមកក្នុងឆ្នាំ២០០៧ ។ ទើបតែនៅរដូវកាលនេះទេ ទើបអាចងើបមុខវិញបានដោយបានចូលរួមក្នុង Premier Leagues នៅលំដាប់លេខ៩ ពិន្ទុ១១ ក្រោមការដឹកនាំរបស់លោក Refael Benitez ៕
ចែករំលែកព័តមាននេះ