នាំមកជូនដោយ Forte Insurance
រាជធានីភ្នំពេញ ៖ យើងដឹងហើយថា ការព្យាបាលជំងឺមហារីកសុដន់ គឺគ្រូពេទ្យនឹងកំណត់ការព្យាបាលជំងឺមហា រីកសុដន់ដោយផ្អែកទៅលើប្រភេទដំណាក់កាល និងទំហំ ព្រមទាំងមានជាប់ទាក់ទងនឹងអ័រម៉ូនឬអត់។ គ្រូពេទ្យក៏គិតបន្ថែមទៅលើសុខភាពទូទៅ និងការចង់បានរបស់អ្នកជំងឺដែរ។
ស្ត្រីភាគច្រើនដែលមានជំងឺមហារីកសុដន់ គឺត្រូវព្យាបាលដោយវះកាត់ ប្រើថ្នាំជំងឺមហារីក ការព្យាបាលដោយអ័រម៉ូន ឬបាញ់កាំរស្មី។ ដូច្នេះយើងនឹងលើកយកពីការព្យាបាលមួយទៀត គឺតាមរយៈការព្យាបាលដោយថ្នាំមហារីក។
ការព្យាបាលដោយថ្នាំមហារីកនេះ គឺជាការប្រើថ្នាំដើម្បីសម្លាប់កោសិកាមហារីក។ បើសិនជាមហារីកមានការប្រឈមខ្ពស់ និងកើតឡើងម្តងទៀត ឬរាលដាលទៅកន្លែងផ្សេង គ្រូពេទ្យនឹងណែនាំឲ្យប្រើមធ្យោបាយមួយនេះដើម្បីបន្ថយឱកាសនៃការកើតជំងឺនេះឡើងវិញ។
ការព្យាបាលដោយប្រើថ្នាំមហារីកពេលខ្លះអាចប្រើមុនពេលវះកាត់ចំពោះស្ត្រីដែលមានដុំសាច់ក្នុងសុដន់ធំៗ។ គោលបំណងនៃការធ្វើបែបនេះ គឺដើម្បីបង្រួមទំហំដុំសាច់ឲ្យតូច ដើម្បីងាយស្រួលកាត់ចេញ។
សម្រាប់ផលរំខាននៃការប្រើវិធីព្យាបាលមួយនេះមានដូចជា ៖ ជ្រុះសក់ ចង្អោរ ក្អួត អស់កម្លាំង និងប្រឈមកាន់តែខ្ពស់នឹងការបង្ករោគ។ អ្វីដែលកម្រនោះ គឺអាចនាំឲ្យរាំងរដូវមុនកំណត់ មិនអាចមានកូនបាន ខូចបេះដូង តម្រងនោម សរសៃប្រសាទ និងបង្កជំងឺមហារីកគ្រាប់ឈាមថែមទៀត៕
ចែករំលែកព័តមាននេះ