ព្យុះកំណាចនាពេលថ្មីៗប៉ះពាល់ដល់ចំណូល
ទីក្រុងសាន់ហ្វ្រាន់ស៊ីស្កូ ៖ បន្ទាប់ពីព្យុះ Harvey, Irma និង Maria បានបក់បោកនៅប៉ែកខាងត្បូងនៃសហរដ្ឋអាមេរិក និងកោះ Puerto…
ទីក្រុងសាន់ហ្វ្រាន់ស៊ីស្កូ ៖ បន្ទាប់ពីព្យុះ Harvey, Irma និង Maria បានបក់បោកនៅប៉ែកខាងត្បូងនៃសហរដ្ឋអាមេរិក និងកោះ Puerto…
ទីក្រុងសាន់ហ្វ្រាន់ស៊ីស្កូ ៖ បន្ទាប់ពីព្យុះ Harvey, Irma និង Maria បានបក់បោកនៅប៉ែកខាងត្បូងនៃសហរដ្ឋអាមេរិក និងកោះ Puerto Rico មក សំណល់ដែលសល់ពីគ្រោះធម្មជាតិទាំងនេះកំពុងតែប៉ះពាល់ដល់ប្រាក់ចំណូលក្រុមហ៊ុនអាមេរិក ។
ព្យុះទាំងនេះបានធ្វើឲ្យក្រុមហ៊ុនធានារ៉ាប់រងត្រូវផ្តល់សំណងជាច្រើនដល់ជនរងគ្រោះរាល់ទ្រព្យសម្បត្តិខូចខាតទាំងអស់ ។ លើសពីនេះ អ្នកលក់រាយ ក្រុមហ៊ុនផលិត និងធនាគារ ក៏រងផលប៉ះពាល់ដែរ ។
ក្រុមហ៊ុនប្រមាណជិតពាក់កណ្តាលនៃក្រុមហ៊ុន S&P 500 ដែលបានរាយការណ៍ពីប្រាក់ចំណូលក្នុងត្រីមាសទី៣ នាពេលថ្មីៗនេះនិយាយថា ព្យុះទាំងនេះប៉ះពាល់អាជីវកម្មរបស់ពួកគេក្នុងផ្នែកមួយចំនួន ។
លោក John Olin បានប្រាប់វិនិយោគិនកាលពីថ្ងៃអង្គារថា ៖« ពួកយើងព្យាករថា ការប៉ះពាល់ពីព្យុះទាំងនេះនឹងស្មើប្រមាណ១,៥ ទៅ២% នៃការធ្លាក់ចុះការលក់របស់ក្រុមហ៊ុន Harley-Davidson ក្នុងត្រីមាសនេះ » ។
ឧត្តមអគ្គនាយកក្រុមហ៊ុន S&P 500 យ៉ាងតិច៤៨ បានប្រាប់វិនិយោគិនថា អាជីវកម្មរបស់ពួកគេបានរងការខូចខាតពីព្យុះទាំងនេះ ។
មានក្រុមហ៊ុនយ៉ាងតិច១២ រួមមាន U.S. Bancorp និង Abbott Laboratories និយាយថា អាជីវកម្មរបស់ពួកគេទទួលរងការខូចខាតពីការរញ្ជួយដីនៅខែកញ្ញា ។ វាសម្លាប់មនុស្សអស់៣៦៩នាក់ក្នុងប្រទេសម៉ិកស៊ិក ដែលជាទីផ្សារដ៏ធំសម្រាប់ក្រុមហ៊ុនអាមេរិក។
American International Group បានព្យាករថា ការប៉ាន់ស្មានការខាតបង់ គឺស្មើប្រមាណ១ប៊ីលានដុល្លារសម្រាប់ព្យុះ Harvey និង១ប៊ីលានដុល្លារសម្រាប់ Irma ខណៈព្យុះ Maria និងគ្រោះផ្សេងទៀតខាតបង់ប្រមាណ៧០០លានដុល្លារ រួមជាមួយ១៥០លានដុល្លារបង្កដោយព្យុះក្នុងប្រទេសម៉ិកស៊ិក ៕
ចែករំលែកព័តមាននេះ