រាជធានីភ្នំពេញ ៖ ផឹកស៊ីស្រវឹងថ្ងៃខួបកំណើតកូនម្ចាស់ផ្ទះជួល ទាស់ពាក្យសម្តីរហូតដល់ប្រើអំពើហិង្សាយកកាំបិតបុ័ងតោកាប់ជាច្រើនកាំបិត បណ្តាលឲ្យរងរបួសធ្ងន់ ចំណែកភាគីម្ខាងទៀតជាប់ខ្នោះ បង្កឲ្យមានការភ្ញាក់ផ្អើលកាលពីវេលាម៉ោង១០និង៣០នាទីយប់ ថ្ងៃទី២២ ខែតុលា ឆ្នាំ២០១៧…
រាជធានីភ្នំពេញ ៖ ផឹកស៊ីស្រវឹងថ្ងៃខួបកំណើតកូនម្ចាស់ផ្ទះជួល ទាស់ពាក្យសម្តីរហូតដល់ប្រើអំពើហិង្សាយកកាំបិតបុ័ងតោកាប់ជាច្រើនកាំបិត បណ្តាលឲ្យរងរបួសធ្ងន់ ចំណែកភាគីម្ខាងទៀតជាប់ខ្នោះ បង្កឲ្យមានការភ្ញាក់ផ្អើលកាលពីវេលាម៉ោង១០និង៣០នាទីយប់ ថ្ងៃទី២២ ខែតុលា ឆ្នាំ២០១៧ នៅផ្ទះជួលភូមិទួលពង្រ សង្កាត់ចោមចៅ ខណ្ឌពោធិ៍សែនជ័យ ។
ជនរងគ្រោះមានឈ្មោះ វ៉ាន ស្រស់ ភេទប្រុស អាយុ១៧ឆ្នាំ មុខរបរជាងជួសជុលរថយន្ត រស់នៅភូមិទួលពង្រ សង្កាត់ចោមចៅ ខណ្ឌពោធិ៍សែនជ័យ ។ ជនសង្ស័យមានឈ្មោះ សួន វាសនា ភេទប្រុស អាយុ២៦ឆ្នាំ មុខរបរវាយតម្លៃអចលនទ្រព្យ ស្នាក់នៅភូមិទួលពង្រ សង្កាត់ចោមចៅ ខណ្ឌពោធិ៍សែនជ័យ មានប្រពន្ធឈ្មោះ ញូង រីណា អាយុ២៥ឆ្នាំ មុខរបរនៅផ្ទះ ស្នាក់នៅភូមិកើតហេតុខាងលើ ។
តាមសម្ដីប្រពន្ធជនសង្ស័យបាននិយាយថា នៅមុនពេលកើតហេតុ មានកម្មវិធីខួបកំណើតកូនម្ចាស់ផ្ទះជួលអាយុ៣ឆ្នាំ ហើយបានផឹកស៊ីនៅកន្លែងផ្សេងៗគ្នា ដោយជនរងគ្រោះ ត្រូវជាមិត្តភក្តិរបស់កូនប្រុសម្ចាស់ផ្ទះ បានផឹកស៊ីជិតបន្ទប់ជនសង្ស័យ ហើយចំណែកជនបង្កស្នាក់នៅផ្ទះជួលកន្លែងកើតហេតុបាន ផឹកនៅឆ្ងាយពីគ្នា បន្ទាប់មកភាគីរងគ្រោះ និងកូនម្ចាស់ផ្ទះឈ្មោះ អាបាន បានផឹកស៊ីជជែកគ្នាខ្លាំងៗពេក មានភាពរញ៉េរញ៉ៃរកវាយគ្នា ធ្វើឲ្យប្រពន្ធជនបង្កបានទូរស័ព្ទហៅប្តី ឲ្យមកមើល ។ ពេលជនសង្ស័យមកដល់បានសួរនាំថាមានរឿងអី ឭរកវាយប្អូនឈ្មោះ អាបាន ហើយជនរងគ្រោះសួរថា ប្អូនអ្នកណា ពេលនោះជនបង្កបានឆ្លើយថា ប្អូនអញ ក៏បានឈ្លោះពាក្យសម្ដីគ្នាម្តងមកហើយ តែបានសម្របសម្រួលគ្នាស្ងាត់អស់ ហើយជនរងគ្រោះចេញទៅក្រៅបាត់ ។ លុះនៅម៉ោងកើតហេតុ ស្រាប់តែជនរងគ្រោះជាអ្នកបង្ករឿងម្តងទៀត បានហៅបក្ខពួកមានគ្នា២នាក់ មកធាក់ទម្លុះទ្វារបន្ទប់ជនសង្ស័យ បណ្តាលឲ្យរយះទ្វារដាច់គន្លឹះ រួចបានគប់កៅអីឈើចូលក្នុងបន្ទប់ជិតចំប្រពន្ធរងគ្រោះ ដែលមានផ្ទៃពោះទៀត និងបានចូលទៅបង្ករឿងក្នុងផ្ទះជួល ធ្វើឲ្យជនសង្ស័យទប់កំហឹងមិនបាន ស្ទុះទៅយកកាំបិតបុ័ងតោកាប់ទៅលើជនរងគ្រោះ ជាច្រើនកាំបិត និងបណ្តាលឲ្យដួលសន្លប់ ហើយបាននាំទៅមន្ទីរពេទ្យនៅភូមិកើតហេតុភ្លាមផងដែរ ។
បន្ទាប់មកភាគីខាងរងគ្រោះ បានប្តឹងសមត្ថកិច្ចមកអន្តរាគមន៍ ហើយឃាត់ជនសង្ស័យទៅសួរនាំភ្លាមៗផងដែរ ។បន្ទាប់មកសមត្ថកិច្ចបានទៅទទួលពាក្យបណ្តឹងនៅមន្ទីរពេទ្យដោយមានស្នាមរយះមុខចំហៀងខាងឆ្វេង និងខ្នងជាច្រើនកន្លែង ដេរចំនួន២៥ថ្នេរ នៅខាងមុខហើយដោយឡែកជនរងគ្រោះសន្លប់មិនទាន់ដឹងខ្លួនមិនបានទទួលពាក្យបណ្តឹងឡើយ ។ ក្រោយពេលកើតហេតុ សមត្ថកិច្ចបានកសាងសំណុំរឿង នឹងបញ្ជូនជនសង្ស័យទៅជំនាញព្រហ្មទណ្ឌខណ្ឌពោធិ៍សែនជ័យ ចាត់ការតាមនីតិវិធី ៕
ចែករំលែកព័តមាននេះ