ខេត្តកំពត ៖ លំនៅដ្ឋាន២ខ្នងប្រក់ក្បឿងជញ្ជាំងក្ដារត្រូវបានអគ្គិភ័យលេបត្របាក់ហ្មត់កាលពីវេលម៉ោង១ និង៣០នាទីរសៀល ថ្ងៃទី២២ តុលា នៅភូមិដើមពោធិ ឃុំអង្គរសុភី ស្រុកកំពង់ត្រាច ខេត្តកំពត។អ៊ុំស្រី…
ខេត្តកំពត ៖ លំនៅដ្ឋាន២ខ្នងប្រក់ក្បឿងជញ្ជាំងក្ដារត្រូវបានអគ្គិភ័យលេបត្របាក់ហ្មត់កាលពីវេលម៉ោង១ និង៣០នាទីរសៀល ថ្ងៃទី២២ តុលា នៅភូមិដើមពោធិ ឃុំអង្គរសុភី ស្រុកកំពង់ត្រាច ខេត្តកំពត។អ៊ុំស្រី ម៉ែន ស៊ុន អាយុ៦០ឆ្នាំ ជាស្ត្រីម៉េម៉ាយដែលជាម្ចាស់ផ្ទះបាននិយាយប្រាប់ទាំងក្ដុកក្ដួលក្នុងអារម្មណ៍ថាគាត់ជាស្ត្រីម៉េម៉ាយទេចិញ្ចឹមចៅកំព្រា៤នាក់ តែនៅពេលកើតហេតុគាត់បានទៅលេងផ្ទះក្មួយ ស្រាប់តែអ្នកភូមិបានរត់ទៅប្រាប់ថា ភ្លើងឆេះផ្ទះទើបរត់មកដល់ឆេះពេញអំណាចអស់ទៅហើយ សូម្បីតែខោអាវមួយកំប្លេក៍យកមិនបានផង។
ពេលដែលកំពុងឆេះនោះអ្នកភូមិជាច្រើននាក់បាននាំគ្នាជួយពន្លត់ភ្លើងដែតែពន្លត់មិនឈ្នះដោយសាតែក្បឿងបានផ្ទុះខ្លាំងពេក។ លោក ច្រឹង យ៉ុង នាយរងនគរបាលប៉ុស្តិ៍អង្គរសុភីបានប្រាប់ឲ្យដឹងថា ពេលកើតហេតុឆេះផ្ទះនេះគឺជនរងគ្រោះមិននៅផ្ទះទេពេលដែលដឹងគឺភ្លើងបានឆេះពេញអំណាចទៅហើយ។
លោក ច្រឹង យ៉ុង និយាយថា ជនរងគ្រោះជាស្ត្រីម៉េម៉ាយមិនបានយកអ្វីចេញបានទេគឺឆេះហ្មត់ទាំងអស់។ លោក ច្រឹង យ៉ុង និយាយប្រាប់បន្តថា អគ្គិភ័យឆេះផ្ទះស្ត្រីម៉េម៉ាយនេះគឺបណ្ដាលមកពីទុស្សេចរន្តអគ្គិសនី៕
ចែករំលែកព័តមាននេះ