ADផ្ទាំងផ្សព្វផ្សាយពាណិជ្ជកម្ម

ប្រញាប់ទៅណា ! បានជាដល់ថ្នាក់ហោះរំលងផ្លូវទៀត

6 ឆ្នាំ មុន

ភ្នំពេញ
២២ ខែ តុលា ឆ្នាំ ២០១៧ ម៉ោង ១៧:១៨

រាជធានីភ្នំពេញ ៖ រថយន្តម៉ាកបាឡែនមួយគ្រឿងបើកបរដោយយុវជនម្នាក់ក្នុងស្ថានភាពស្រវឹងបើកលឿនដូចហោះបត់មិនទាន់ជ្រុលក៏ចង្កូតទៅបុកឃឿនសួនច្បារពុះចែកទ្រូងផ្លូវបាក់ពីរកង់ហោះរំលងទៅចំណែកផ្លូវម្ខាងទៀតព្យាយាមបើករត់បានប្រហែល៥០០ម៉ែត្រត្រូវបានសមត្ថកិច្ចដេញចាប់បាន ។ ហេតុការណ៍គ្រោះថ្នាក់ចរចរាណ៍នោះបានកើតឡើងកាលពីវេលាម៉ោង១២នឹង៣០នាទីរំលងអធ្រាត្យឈានចូលថ្ងៃទី២២ ខែតុលា ឆ្នាំ២០១៧ ស្ថិតតាមបណ្តោយផ្លូវលេខ១១៩ហៅផ្លូវហាន់ណូយកែងផ្លូវSOS ភូមិភ្នំពេញថ្មី សង្កាត់ភ្នំពេញថ្មី…

រថយន្តបង្កម៉ាកកាមរីបាឡែន ពណ៍ស ពាក់ស្លាកលេខ ភ្នំពេញ ២AL-៨១៤៣ រងការខូចខាតបែកកាងខាងមុខអ្នកបើកបរមានឈ្មោះ ផ្លេក សំណាង ភេទប្រុស អាយុ១៩ឆ្នាំ រងរបួសស្រាល មានទីលំនៅភូមិតាផេក សង្កាត់បឹងធំ ខណ្ឌពោធិ៍សែនជ័យ ។

ប្រភពព័ត៌មាននៅកន្លែងកើតហេតុបានឲ្យដឹងថា មុនកើតហេតុគេឃើញរថយន្តបង្កបើកបរដោយយុវជនម្នាក់ក្នុងស្ថានភាពស្រវឹងបើកតាមផ្លូវSOSក្នុងទិសដៅពីកើតទៅលិចសំដៅទៅផ្លូវលេខ១១៩ហៅផ្លូវហាន់ណូយគោលបំណងបត់ស្តាំ តែដោយសារបើកលឿនពេកបត់មិនទាន់ក៏ជ្រុលចង្កូតទៅបុកខឿនសួនច្បារពុះចែកទ្រូងផ្លូវយ៉ាងពេញទំហឹងបណ្តាលឲ្យបាក់អស់ចំនួនពីរកង់រថយន្តបង្កហោះរំលងទៅចំណែកផ្លូវម្ខាងទៀតតែសំណាងមិនបណ្តាលឲ្យប៉ះដល់អ្នកធ្វើដំណើរតាមដងផ្លូវផ្សេងទៀត ។ បន្ទាប់មកអ្នកបើកបរបានបើកត្រឡប់មកតាមផ្លូវSOSវិញព្យាយាមបើករត់គេចបានប្រហែល៥០០ម៉ែត្រក៏ត្រូវបានសមត្ថកិច្ចដេញចាប់បានទាំងរថយន្តបង្ក និងអ្នកបើកបរយកទៅរក្សារទុកនៅចរាចរណ៍អធិការដ្ឋានខណ្ឌសែនសុខដើម្បីរងចាំដោះស្រាយគ្នាតាមផ្លូវច្បាប់ ៕