ខេត្តកំពត ៖ សាកសពជនរងគ្រោះដែលក្រុមក្មេងទំនើងដេញកាប់លើស្ពានព្រែកកំពង់បាយបានរកឃើញហើយនៅវេលាម៉ោង៤នឹង១០នាទីរសៀល ថ្ងៃទី២២ ខែតុលា ឆ្នាំ២០១៧ ត្រង់ចំណុចខាងក្រោមស្ពានកន្លែងលោតតែម្តង បន្ទាប់ពីកំលាំងសមត្ថកិច្ចសហការជាមួយក្រុមគ្រួសារជួលទូកស្វែងរកសាកសពមានហូរឈាមតាមច្រមុះយ៉ាងខ្លាំង និងមានស្នាមមុតនឹងវត្ថុរឹងនៅលើផ្ទៃមុខ ។…
ខេត្តកំពត ៖ សាកសពជនរងគ្រោះដែលក្រុមក្មេងទំនើងដេញកាប់លើស្ពានព្រែកកំពង់បាយបានរកឃើញហើយនៅវេលាម៉ោង៤នឹង១០នាទីរសៀល ថ្ងៃទី២២ ខែតុលា ឆ្នាំ២០១៧ ត្រង់ចំណុចខាងក្រោមស្ពានកន្លែងលោតតែម្តង បន្ទាប់ពីកំលាំងសមត្ថកិច្ចសហការជាមួយក្រុមគ្រួសារជួលទូកស្វែងរកសាកសពមានហូរឈាមតាមច្រមុះយ៉ាងខ្លាំង និងមានស្នាមមុតនឹងវត្ថុរឹងនៅលើផ្ទៃមុខ ។
សូមបញ្ជាក់ផងដែរថា កាលពីវេលាម៉ោង២នឹង៣០នាទីរំលងអធ្រាត្រឈានចូលថ្ងៃទី២២ ខែតុលា ឆ្នាំ២០១៧ នៅចំណុចលើស្ពានថ្មព្រែកកពង់បាយ ស្ថិតនៅក្នុងភូមិកំពង់បាយខាងត្បូង សង្កាត់កំពង់បាយ ក្រុងកំពត ក្រុមក្មេងទំនើងពីរក្រុមបានបើកឆាកប្រយុទ្ឋគ្នាយ៉ាងសាហាវនៅលើស្ពានព្រែកកំពង់បាយ ហៅស្ពានថ្មថ្មី បណ្តាលឲ្យភាគីម្ខាងដែលមានគ្នាបីនាក់ដែលកំពុងឈរចាំមិត្តនៅលើស្ពានបានលោតទឹកពីលើស្ពានទាំងបីនាក់ដើម្បីគេចខ្លួនឲ្យផុតពីមុខដាវសាម៉ូរ៉ៃពីភាគីដែលដេញកាប់ ប៉ុន្តែការលោតទឹកនេះបានហែលរួចលើច្រាំងបានពីរនាក់ រីឯម្នាក់ទៀតបានបាត់ខ្លួនរហូតមកដល់ព្រឹកថ្ងៃទី២២ ខែតុលា ឆ្នាំ២០១៧ នេះ ៕
អត្ថបទពាក់ព័ន្ធ ៖ ស្រែកហៅផង ដើររកផង ឃើញម្នាក់ហែលទឹកម្នាក់ឱបសសរស្ពាន តែបាត់ម្នាក់
ចែករំលែកព័តមាននេះ