ខេត្តព្រះសីហនុ ៖ ជនបរទេសចំនួន៤១នាក់ ស្រី១១នាក់ មាន៦សញ្ជាតិ នាថ្ងៃទី២១ ខែតុលា ឆ្នាំ២០១៧ ត្រូវបានកម្លាំងនគរបាលនាយកដ្ឋានស៊ើបអង្កេត និងអនុវត្តនីតិវិធី នៃអគ្គនាយកដ្ឋានអន្តោប្រវេសន៍ សហកាជាមួយកម្លាំងគណៈបញ្ជាការឯកភាពខេត្តព្រះសីហនុដឹកនាំដោយលោក លឹម ប៊ុនហេង ព្រះរាជអាជ្ញារង អមសាលាដំបូងខេត្តព្រះសីហនុ បានប្រតិបត្តិការបង្ក្រាបជនបរទេសចំនួន៤គោលដៅ ស្ថិតនៅផ្លូវ៧០៥ ភូមិ២ សង្កាត់៣ ខណ្ឌមិត្តភាព ក្រុងព្រះសីហនុ ខេត្តព្រះសីហនុ ។
ជុំវិញការចុះបង្ក្រាបទីតាំងរបស់ជនជាតិចិន និង៥សញ្ជាតិផ្សេងទៀតនេះ យោងតាមប្រភពពីសមត្ថកិច្ចបានឱ្យដឹងថា នៅម៉ោង១០នឹង៣៥នាទី ថ្ងៃទី២១ ខែតុលា ឆ្នាំ២០១៧ ក្រុមប្រតិបត្តិការនៃអគ្គនាយកដ្ឋានអន្តោប្រវេសន៍ សហការជាមួយសមត្ថកិច្ចមូលដ្ឋានដឹកនាំដោយលោក លឹម ប៊ុនហេង ព្រះរាជអាជ្ញារង អមសាលាដំបូងខេត្តព្រះសីហនុ បានប្រតិបត្តិការបង្ក្រាបជនបរទេសចំនួន៤គោលដៅ ស្ថិតនៅផ្លូវ៧០៥ ភូមិ២ សង្កាត់៣ ខណ្ឌមិត្តភាព ក្រុងព្រះសីហនុ ខេត្តព្រះសីហនុ ឃាត់ខ្លួនជនសង្ស័យចំនួន៤១នាក់ ស្រី១១នាក់ មាន ៦សញ្ជាតិ ។
ប៉ុន្តែបើទោះបីជាយ៉ាងណាក៏ដោយចំពោះការកំណត់ទោសបទល្មើសយ៉ាងណានោះ គេនោះពុំទាន់ដឹងនៅឡើយទេ គិតមកដល់ព្រលប់ថ្ងៃទី២១ ខែតុលា ឆ្នាំ២០១៧ សមត្ថកិច្ចបានបញ្ជូនជនសង្ស័យទាំងនោះទៅរាជធានីភ្នំពេញដើម្បីកសាងនីតិវិធីតាមផ្លូវច្បាប់ ៕
ចែករំលែកព័តមាននេះ