រាជធានីភ្នំពេញ ៖ ការងារជាច្រើនត្រូវបានរៀបចំឡើងដោយសាលារាជធានីភ្នំពេញតាមរយៈការបែងចែកភារកិច្ចក្នុងគណៈកម្មការ និងអនុគណៈកម្មការទទួលខុសត្រូវរៀងៗខ្លួនដើម្បីអបអរសាទរបុណ្យអុំទូក បណ្តែតប្រទីប សំពះព្រះខែ និងអកអំបុកនាថ្ងៃទី២-៣ -៤ ខែវិច្ឆិកា ឆ្នាំ២០១៧…
រាជធានីភ្នំពេញ ៖ ការងារជាច្រើនត្រូវបានរៀបចំឡើងដោយសាលារាជធានីភ្នំពេញតាមរយៈការបែងចែកភារកិច្ចក្នុងគណៈកម្មការ និងអនុគណៈកម្មការទទួលខុសត្រូវរៀងៗខ្លួនដើម្បីអបអរសាទរបុណ្យអុំទូក បណ្តែតប្រទីប សំពះព្រះខែ និងអកអំបុកនាថ្ងៃទី២-៣ -៤ ខែវិច្ឆិកា ឆ្នាំ២០១៧ ខាងមុខ ហើយការងារទាំងអស់ត្រូវបានត្រៀមលក្ខណៈរួចជាស្រេច ។
លោក ឃួង ស្រេង អភិបាលនៃគណៈអភិបាលរាជធានីភ្នំពេញរួមជាមួយមន្ត្រីពាក់ព័ន្ធ បានអញ្ជើញទៅពិនិត្យមើលសកម្មភាពការងារមួយចំនួនដើម្បីត្រៀមអបអរព្រះរាជពិធីបុណ្យអុំទូក ។ លោកបានអញ្ជើញទៅពិនិត្យមើលសកម្មភាពស្ថាបនាប្រទីបរបស់សាលារាជធានីភ្នំពេញស្ថិតនៅក្នុងបរិវេណវត្តប្រជុំសារគរដើម្បីត្រៀមបង្ហាញខ្លួនក្នុងបុណ្យអុំទូកខាងមុខ ។
អ្នកគ្រប់គ្រងការងារស្ថាបនាប្រទីបរបស់រដ្ឋបាលរាជធានីភ្នំពេញឲ្យដឹងថា ប្រទីបនេះយកលំនាំជា Logo របស់សាលារាជធានីភ្នំពេញ អមដោយការតុបតែងលម្អអំពូលភ្លើងជាង៤ម៉ឺនគ្រាប់ ។ យ៉ាងយូនៅត្រឹមថ្ងៃទី២៥ ខែតុលា ឆ្នាំ២០១៧ ប្រទីបរបស់រដ្ឋបាលរាជធានីភ្នំពេញនឹងស្ថាបនារួច ហើយដាក់សាកល្បងនៅលើសាឡាងដែលបានត្រៀមរួចជាស្រេច ។
លោក ឃួង ស្រេង បានណែនាំឲ្យមានការលើកកម្អស់ការទទួលខុសត្រូវលើភារកិច្ចរបស់ខ្លួន និងស្ថាបនាឲ្យបានរួចរាល់តាមការគ្រោងទុកប្រកបដោយស្តង់ដារបច្ចេកទេស និងត្រូវជៀសវាងឲ្យបាននូវហានីភ័យណាមួយជាយថាហេតុ ៕
ចែករំលែកព័តមាននេះ