រាជធានីភ្នំពេញ ៖ បុរសចំណាស់ម្នាក់សង្ស័យស្រវឹងស្រាបើករថយន្តរេចង្កូតបង្កការភ្ញាក់ផ្អើល កាលពីវេលាម៉ោង១រំលងអធ្រាត្រឈានចូលថ្ងៃទី២២ ខែតុលា ឆ្នាំ២០១៧ នៅចំណុចហាងរចនាម៉ូក្រចក សុភា នែល តាមផ្លូវ៥១បេតេ…
រាជធានីភ្នំពេញ ៖ បុរសចំណាស់ម្នាក់សង្ស័យស្រវឹងស្រាបើករថយន្តរេចង្កូតបង្កការភ្ញាក់ផ្អើល កាលពីវេលាម៉ោង១រំលងអធ្រាត្រឈានចូលថ្ងៃទី២២ ខែតុលា ឆ្នាំ២០១៧ នៅចំណុចហាងរចនាម៉ូក្រចក សុភា នែល តាមផ្លូវ៥១បេតេ ស្ថិតនៅភូមិសន្សំកុសល១ សង្កាត់បឹងទំពុនទី១ ខណ្ឌមានជ័យ ។
បុរសជាអ្នកបើករថយន្តមានឈ្មោះ យ៉ែម ទិវា អាយុ៣៦ឆ្នាំ មុខរបរបើកបររថយន្តដឹកភ្ញៀវ ស្នាក់នៅផ្ទះលេខ១០៥ តាមផ្លូវលេខ១៣ បុរីពិភពថ្មី សង្កាត់ចោមចៅ ខណ្ឌពោធិ៍សែនជ័យបានប្រាប់អ្នកយកព័ត៍មានថា គាត់បានបើករថយន្តម៉ាកកាមរីហាយប្រ៊ីត ពណ៍ស ស៊េរីឆ្នាំ២០១២ ពាក់ស្លាកលេខ ភ្នំពេញ ២AF-៧៣១៥ តាមផ្លូវ៥១បេតេក្នុងទិសដៅពីកើតទៅលិចលុះមកដល់ចំណុចកើតហេតុក៏មានម៉ូតូ១គ្រឿងមិនចាំម៉ាកបើកបញ្ច្រាសទិសជាមួយនឹងរថយន្តរបស់គាត់ក៏ចាំងភ្លើងម៉ូតូក៏បើកគេចទើបជ្រុលចង្កូតទៅបុកហាងធ្វើក្រចកតែម្ដង ។
សមត្ថកិច្ចនគរបាលផ្នែកវាស់វែងខណ្ឌបានប្រាប់ថា រថយន្តបង្កបើកបរដោយបុរសវ័យចំណាស់ម្នាក់សង្ស័យស្រវឹងស្រាទើបរេចង្កូតបុកចូលហាងធ្វើក្រចកធ្លុះចូលក្នុងហាង ដោយបុកបាក់ទ្វារ និងបែកជញ្ចាំងធ្វើឲ្យបែកបាក់ទូកញ្ចក់ដាក់តាំងថ្នាំលាបក្រចក និងសម្ភារផ្សេងៗទៀត តែសំណាងល្អមិនមានម្ចាស់ស្នាក់នៅបើមានអ្នកស្នាក់នៅអាចមានរបួសជាមិនខាន ។
សមត្ថកិច្ចបានបន្តទៀតថា ម្ចាស់ហាងមានឈ្មោះ ឡុង លាភ ភេទប្រុស អាយុ២០ឆ្នាំ តំណាងឱ្យឪពុកបានទាមទារថ្លៃខូចខាតហាងក្នុងតំលៃជាទឹកប្រាក់៣៥០០ដុល្លារ តែម្ចាស់រថយន្តគ្មានលទ្ធភាពសងថ្លៃខូចខាតក៏ហៅការិយាល័យនគរបាលចរាចរណ៍ផ្លូវគោកស្នងការរាជធានីភ្នំពេញឱ្យមកវាស់យករក្សាទុករួមទាំងអ្នកបើកបររថយន្តបង្កហេតុ ៕
ចែករំលែកព័តមាននេះ