រាជធានីភ្នំពេញ ៖ បុរស២នាក់បានចូលច្រៀងខារ៉ាអូខេ ខណៈចេញមកវិញមិនរកផ្ទះសំណាក់ដេកបែរទៅដេកលើគំរបលូក្បែរចិញ្ចើមផ្លូវទៅវិញ ត្រូវសមត្ថកិច្ចប្រទេះឃើញកាលពីវេលាម៉ោង០៣នឹង៣០នាទីទាបភ្លឺ ថ្ងៃទី២២ ខែតុលា ឆ្នាំ២០១៧ ត្រង់ចំណុចផ្លូវ១០១៩ ភូមិរោងចក្រ…
រាជធានីភ្នំពេញ ៖ បុរស២នាក់បានចូលច្រៀងខារ៉ាអូខេ ខណៈចេញមកវិញមិនរកផ្ទះសំណាក់ដេកបែរទៅដេកលើគំរបលូក្បែរចិញ្ចើមផ្លូវទៅវិញ ត្រូវសមត្ថកិច្ចប្រទេះឃើញកាលពីវេលាម៉ោង០៣នឹង៣០នាទីទាបភ្លឺ ថ្ងៃទី២២ ខែតុលា ឆ្នាំ២០១៧ ត្រង់ចំណុចផ្លូវ១០១៩ ភូមិរោងចក្រ សង្កាត់គោកឃ្លាង ខណ្ឌសែនសុខ ។
បុរសដែលចេញពីច្រៀងខារ៉ាអូខេដេកតាមចិញ្ចើមផ្លូវមានឈ្មោះ អ.ធ អាយុ២៨ឆ្នាំ មុខរបរកម្មករ ស្នាក់នៅបណ្តោះអាសន្នភូមិគោកឃ្លាង សង្កាត់គោកឃ្លាង ខណ្ឌសែនសុខ មានស្រុកកំណើតខេត្តកំពង់ចាម និងម្នាក់ទៀតមានឈ្មោះ ច.ន.ស អាយុ២៧ឆ្នាំ មុខរបរកម្មករស្នាក់នៅបណ្តោះអាសន្នភូមិគោកឃ្លាង សង្កាត់គោកឃ្លាង ខណ្ឌសែនសុខ មានស្រុកកំណើតនៅខេត្តកំពង់ឆ្នាំង ។
តាមសំដីបុរសទាំង២នាក់បានប្រាប់ទាំងខ្មាស់អៀនថា មុនកើតហេតុរូបគេទាំង២នាក់បាននាំគ្នាដើរទៅច្រៀងខារ៉ាអូរខេនៅម្តុំផ្សារដីហ៊ុយ ក្រោយពីផឹកស្រវឹងហើយបាននាំគ្នាចេញមកវិញដើរតាមដងផ្លូវហាណូយ ១០១៩ ពីត្បូងទៅជើងគោលបំណងត្រឡប់ទៅសម្រាកនៅកន្លែងធ្វើការវិញ ។ បុរសដដែលបានប្រាប់ទៀតថា ពួកខ្លួនមិនដឹងថាមកដេកលើគំរបលូក្បែរចិញ្ជើមផ្លូវខាងលើតាំងពីពេលណាដែលទេ លុះដឹងខ្លួនវិញស្រាប់តែឃើញសមត្ថកិច្ចមកដាស់បាត់ទៅហើយ ។
តាមសំដីសមត្ថកិច្ចបានប្រាប់ថា ក្រោយពីមានប្រជាពលរដ្ឋជិះម៉ូតូឆ្លងកាត់ផ្លូវខាងលើក៏ឃើញបុរសទាំង២នាក់មកដេកនៅចំណុចខាងលើដោយមើលទៅមិនសមភ្នែកក៏រាយការណ៍ប្រាប់លោកវរសេនីយ៍ឯក ម៉ក់ ហុង អធិការខណ្ឌ ពេលនោះលោកអធិការក៏បញ្ជាបន្តឱ្យចុះទៅពិនិត្យជាក់ស្តែងស្រាប់តែឃើញបុរសខាងលើកំពុងដេកមែន និងបានដាស់ឱ្យត្រឡប់ទៅដេកនៅកន្លែងធ្វើការវិញទៅ ៕
ចែករំលែកព័តមាននេះ