រាជធានីភ្នំពេញ ៖ បុរសម្នាក់វ័យជាង៣០ឆ្នាំជិះម៉ូតូហុងដាសេ១២៥ ពណ៍ខ្មៅ ពាក់ស្លាកលេខ ភ្នំពេញ ១GG-១២៧៨ ស៊េរីឆ្នាំ២០១៦ ជិះម៉ូតូធ្លាក់ជង្ហុកជ្រុលចង្កូតបុកចិញ្ចើមផ្លូវបណ្ដាលឱ្យដួលបាក់ជើងឆ្វេង ត្រូវរថយន្តសង្គ្រោះឯកជនដឹកយកទៅព្យាបាល…
រាជធានីភ្នំពេញ ៖ បុរសម្នាក់វ័យជាង៣០ឆ្នាំជិះម៉ូតូហុងដាសេ១២៥ ពណ៍ខ្មៅ ពាក់ស្លាកលេខ ភ្នំពេញ ១GG-១២៧៨ ស៊េរីឆ្នាំ២០១៦ ជិះម៉ូតូធ្លាក់ជង្ហុកជ្រុលចង្កូតបុកចិញ្ចើមផ្លូវបណ្ដាលឱ្យដួលបាក់ជើងឆ្វេង ត្រូវរថយន្តសង្គ្រោះឯកជនដឹកយកទៅព្យាបាល កាលវេលាម៉ោង៩នឹង៣០នាទីយប់ថ្ងៃទី២១ ខែតុលា ឆ្នាំ២០១៧ នៅចំណុចផ្លូវម៉ៅសេទុងកែងផ្លូវ៥៧ សង្កាត់បឹងកេងកងទី១ ខណ្ឌចំការមន ។
តាមប្រភពព័ត៍មានពីប្រជាពលរដ្ឋធ្វើដំណើរប្រទះឃើញបុរសម្នាក់ជិះម៉ូតូហុងដាឌ្រីមសង់សេ១២៥ ពណ៍ខ្មៅ ម្នាក់លុះមកដល់ចំណុចកើតហេតុក៏ត្រូវធ្លាក់ចង្ហុកដែលការដ្ឋានជួលជុលផ្លូវមិនបានដាក់សញ្ញាឱ្យអ្នកដំណើរមានការប្រុងប្រយ័ត្នរេចង្កូតទៅបុកចិញ្ចើមផ្លូវបណ្ដាលដួលបាក់ជើងឆ្វេង ក្រោយកើតហេតុក៏ទូរស័ព្ទប្ដឹងសមត្ថកិច្ចដើម្បីជួយហៅរថយន្តសង្គ្រោះ បន្តិចក្រោយមកមិនទាន់ឃើញសមត្ថកិច្ចក៏មានរថយន្តសង្គ្រោះមន្ទីរពេទ្យឯកជនមកដឹកយកទៅសង្គ្រោះហើយប្រជាពលរដ្ឋដែលធ្វើដំណើរតាមផ្លូវបានរិះគន់ទៅលើការដ្ឋានមន្ទីរសាធារណៈដែលជួសជុលផ្លូវហើយធ្វើមិនទាន់រួចគ្រាន់តែកាយកៅស៊ូចាស់ចេញទុកសុទ្ធតែគ្រាប់គ្រួស និងមិនមានដាក់ផ្លាកសញ្ញាដែលឱ្យអ្នកធ្វើដំណើរដឹងថា មានការដ្ឋានជួលផ្លូវបង្កឱ្យបុរសម្នាក់របួសបាក់ជើងយ៉ាងអាណិតអាសូរដល់បុរសរងគ្រោះ ។
សមត្ថកិច្ចនគរបាលផ្នែកវាស់វែងខណ្ឌចំការមនបានប្រាប់ថា ដោយមានបុរសម្នាក់បើកម៉ូតូធ្លាក់ចង្ហុកដែលការដ្ឋានជួសជុលផ្លូវហើយរេចង្កូតជ្រុលទៅបុកចិញ្ចើមផ្លូវបណ្ដាលបាក់ជើងឆ្វេងហើយម៉ូតូខូចខាតបែកម៉ាស៊ីន និងបាក់កង់មុខហើយក្រោយកើតហេតុក៏ត្រូវរថយន្តសង្គ្រោះឯកជនដឹកយកទៅសង្គ្រោះ ចំណែកម៉ូតូរងគ្រោះបានយកមករក្សាទុកនៅអធិការដ្ឋានខណ្ឌជាបណ្ដោះអាសន្នរងចាំក្រុមគ្រួសារយកឯកសារពាក់ព័ន្ធយកត្រលប់ទៅវិញ ៕
ចែករំលែកព័តមាននេះ