ខេត្តបាត់ដំបង ៖ បើតាមសេចក្តីរាយការណ៍បានឱ្យដឹងថា មានការភ្ញាក់ផ្អើលឆោឡោយ៉ាងខ្លាំង ខណៈត្រូវបានគេឃើញអណ្តែតទឹកនៅខាងក្រោយផ្ទះ ហេតុការណ៍កើតឡើងកាលពីវេលាម៉ោង៨ព្រឹក ថ្ងៃទៅ២២ ខែតុលា ឆ្នាំ២០១៧ ត្រង់ចំណុចស្រះទឹកក្រោយផ្ទះ…
ខេត្តបាត់ដំបង ៖ បើតាមសេចក្តីរាយការណ៍បានឱ្យដឹងថា មានការភ្ញាក់ផ្អើលឆោឡោយ៉ាងខ្លាំង ខណៈត្រូវបានគេឃើញអណ្តែតទឹកនៅខាងក្រោយផ្ទះ ហេតុការណ៍កើតឡើងកាលពីវេលាម៉ោង៨ព្រឹក ថ្ងៃទៅ២២ ខែតុលា ឆ្នាំ២០១៧ ត្រង់ចំណុចស្រះទឹកក្រោយផ្ទះ ស្ថិតក្នុងភូមិបល័ង្គ សង្កាត់វត្តគរ ក្រុងបាត់ដំបង ខេត្តបាត់ដំបង ។
ជនរងគ្រោះឈ្មោះ ដាំ ឈឿង ភេទប្រុស អាយុ៤០ឆ្នាំ រស់នៅក្នុងក្រុមទី៦ ភូមិបល័ង្គ សង្កាត់វត្តគរ ខេត្តបាត់ដំបង ចំណែកម្តាយជនរងគ្រោះឈ្មោះ ជា ឈៀង ភេទស្រី អាយុ៧២ឆ្នាំ ។
បើតាមស្ត្រីជាម្តាយបានឱ្យដឹងថា កូនរបស់គាត់បានហូបស្រាថ្នាំជារៀងរាល់ថ្ងៃ ហើយមានសតិមិនល្អ ហើយមុនពេលកើតហេតុ កូនរបស់បានចុះរាយម៉ងដាក់ត្រី លុះដល់ព្រឹកម៉ោង៨ ថ្ងៃទី២០ តុលា បាត់មិនឃើញកូនត្រឡប់មកវិញទេ គាត់ក៏ដើររក រហូតដល់ថ្ងៃទី២២ តុលា វេលាម៉ោង៨ព្រឹក ស្រាប់តែអ្នកភូមិម្នាក់ឈ្មោះ ឡេង សឹងហេន ហៅប៉ា បានរត់មកប្រាប់ថា កូនរបស់គាត់បានលង់ទឹកស្លាប់ហើយ គឺអណ្តែតក្នុងទឹកស្រះក្រោយផ្ទះ ។ ពេលឮដូច្នេះ គាត់រត់ទៅមើល ស្រាប់តែឃើញកូនរបស់គាត់ពិតជាស្លាប់អណ្តែតក្នុងទឹកស្រះមែន ។
បើតាមសមត្ថកិច្ចបានឱ្យដឹងថា ក្រោយពេលកើតហេតុសមត្ថកិច្ចបានចុះទៅពិនិត្យហើយសន្និដ្ឋានថា ជនរងគ្រោះពិតជាស្លាប់ដោយសារលង់ទឹកប្រាកដមែន ដោយសង្ស័យថាបណ្តាលមកជនរងគ្រោះស្រវឹង ហើយចុះទៅរាយម៉ង ទើបបណ្តាលឱ្យលង់ស្លាប់បែបនេះតែម្តង ។ ក្រោយពីពិនិត្យរួចសមត្ថកិច្ចបានប្រគល់សពជនរងគ្រោះឱ្យម្តាយយកទៅធ្វើបុណ្យតាមប្រពៃណី ។
ចែករំលែកព័តមាននេះ