ខេត្តកំពង់ឆ្នាំង ៖ មានការភ្ញាក់ផ្អើលឆោឡោយ៉ាងខ្លាំង ខណៈអ្នកនេសាទម្នាក់ប្រទះឃើញបុរម្នាក់ក្នុងទឹក ហេតុការណ៍នេះកើតឡើងកាលពីម៉ោង៩និង១០នាទី ព្រឹក ថ្ងៃទី២២ ខែតុលា ឆ្នាំ២០១៦ នៅចំណុចលូជប៉ុន…
ខេត្តកំពង់ឆ្នាំង ៖ មានការភ្ញាក់ផ្អើលឆោឡោយ៉ាងខ្លាំង ខណៈអ្នកនេសាទម្នាក់ប្រទះឃើញបុរម្នាក់ក្នុងទឹក ហេតុការណ៍នេះកើតឡើងកាលពីម៉ោង៩និង១០នាទី ព្រឹក ថ្ងៃទី២២ ខែតុលា ឆ្នាំ២០១៦ នៅចំណុចលូជប៉ុន ស្ថិតក្នុងភូមិកណ្តាល សង្កាត់កំពង់ឆ្នាំង ក្រុងកំពង់ឆ្នាំង ។
សមត្ថកិច្ចបានដឹងថា ជនរងគ្រោះឈ្មោះ ហេង ស្រឿន អាយុ៣៣ឆ្នាំ មុខរបរជាកម្មករលីសែងនៅកំពង់ផែផ្សារក្រោម មានទីលំនៅភូមិអណ្តូងឬស្សី ឃុំស្រែថ្មី ស្រុករលាប្អៀរ ។
តាមប្រភពពីកើតហេតុបានឱ្យដឹងថា ជារៀងរាល់ថ្ងៃ គេតែងតែឃើញជនរងគ្រោះជិះកង់ត្រឡប់ទៅផ្ទះវិញ ដោយពេលខ្លះឃើញស្រវឹងបណ្តើរកង់ដើរតាមផ្លូវក៏មាន ស្រាប់តែនៅថ្ងៃកើតហេតុ ក៏ប្រទះឃើញបុរសរងគ្រោះស្លាប់អណ្តែតទឹកតែម្តង។
ក្រោយពីស្រង់សពបុរសខាងលើចេញពីក្នុងទឹក ដើម្បីពិនិត្យ និងធ្វើកោសល្យពិច្ច័យ សមត្ថកិច្ចបានសន្និដ្ឋានថា ជនរងគ្រោះអាចជាស្រវឹងដើរវង្វេងផ្លូវ ហើយធ្លាក់ចូលទឹក បណ្តាលឱ្យលង់ស្លាប់ បន្ទាប់មកក៏ប្រគល់សពទៅគ្រួសារជនរងគ្រោះដើម្បីធ្វើបុណ្យតាមប្រពៃណី ៕
ចែករំលែកព័តមាននេះ