រាជធានីភ្នំពេញ ៖ កម្មកររោងចក្រលាយបេតុងអេស៊ាម្នាក់ត្រូវម៉ាស៊ីនក្រឡុកបេតុងកិនសំប៉ែតដូចចេកចៀន ស្លាប់យ៉ាងអាណោចអាធ័ម ខណៈកម្មករនោះកំពុងតែសំអាតធុង
ម៉ាស៊ីន ហើយត្រូវកម្មករផ្នែកបើករថយន្តម្នាក់មកចុកកុងតាក់បញ្ជា ធ្វើឱ្យម៉ាស៊ីនក្រឡុក
ដំណើរការក៏ស្រូបទាញយកកម្មករម្នាក់នោះចូលទៅក្នុងម៉ាស៊ីន ។ បន្ទាប់ពីកើតហេតុ ជនបង្កត្រូវបានកម្លាំងនគរបាលខណ្ឌឫស្សីកែវឃាត់ខ្លួន កាលពីវេលាម៉ោង៨ព្រឹកថ្ងៃទី២០ តុលា នៅក្នុងបរិវេណរោងចក្រដែលស្ថិតនៅក្នុងភូមិ ខ.១ សង្កាត់ច្រាំងចំរេះទី២ ខណ្ឌឫស្សីកែវ នៅខាងត្បូងស្នងការដ្ឋាននគរបាលរាជធានីភ្នំពេញ ។
ជនរងគ្រោះត្រូវបាននគរបាលប្រាប់ថាឈ្មោះ ភាព ប៊ុនហៀង អាយុ១៩ឆ្នាំ ជាកម្មករផ្នែកសំអាតធុងក្រឡុកស៊ីម៉ង់ត៍ មានលំនៅភូមិបួនមុខ សង្កាត់ពន្សាំង ខណ្ឌព្រែកព្នៅ ត្រូវបានម៉ាស៊ីនកិនសំប៉ែតដូចចេកចៀនស្លាប់គួរឱ្យអនិច្ចា ។ ចំណែកជនបង្កដែលត្រូវឃាត់ខ្លួនឈ្មោះ អេម ឌី ភេទប្រុស អាយុ៣៦ឆ្នាំ ជាអ្នកបើកបររថយន្តលាយបេតុង មានលំនៅភូមិរាំងកេសី ឃុំរាំងកេសី ស្រុកសង្កែ ខេត្តបាត់ដំបង ។
តាមព័ត៌មានឱ្យដឹងថា នៅព្រឹកថ្ងៃកើតហេតុនោះកម្មកររងគ្រោះ រួមជាមួយកម្មករម្នាក់ទៀតបាននាំគ្នាសំអាតកម្ទេចស៊ីម៉ង់ត៍ និងខ្សាច់ថ្មដែលនៅជាប់ម៉ាស៊ីនក្រឡុក ។ ខណៈពេលកំពុងធ្វើការ ស្រាប់តែមានអ្នកបើកបររថយន្តក្រឡុកនោះមកចុកកុងតាក់បញ្ជាម៉ាស៊ីនឱ្យដំណើរការជាហេតុធ្វើឱ្យម៉ាស៊ីនស្រូបទាញជនរងគ្រោះចូលទៅខាងក្នុងហើយកិនកៀបសំប៉ែតស្លាប់់ក្នុងម៉ាស៊ីនមួយរំពេច ។
បន្ទាប់ពីកើតហេតុភ្លាមបង្កឱ្យមានការភ្ញាក់ផ្អើលហើយបុគ្គលិករោងចក្រក៏បាននាំគ្នា យករថយន្តមកស្ទួចលើកគម្រប និងដោះយកម៉ាស៊ីនមកក្រៅដើម្បីទាញយកសពចេញ។ នៅព្រឹកនោះសមត្ថកិច្ចនគរបាលខណ្ឌឫស្សីកែវ បានចុះទៅកន្លែងកើតហេតុ និងឃាត់ខ្លួនអ្នកចុចកុងតាក់អនាធិបតេយ្យនេះបញ្ជូនទៅកាន់អធិការដ្ឋានខណ្ឌដើម្បីចាត់ការតាមផ្លូវច្បាប់ ៕
ចែករំលែកព័តមាននេះ