រាជធានីភ្នំពេញ ៖ កម្មការិនីម្នាក់ចេញពីធ្វើការរោងចក្រមកដល់បន្ទប់ជួលចាក់បើកសោបន្ទប់រួចអត់បិទទ្វារត្រូវជនសង្ស័យម្នាក់ចូលទៅចាប់ចងដៃហើយស្រាតសំលៀកបំពាក់ចេញធ្វើសកម្មភាពរំលោភ ថែមទាំងយកដងអំបោសដាក់ក្នុងប្រដាប់ភេទ បង្កឱ្យមានការភ្ញាក់ផ្អើលកាលពីវេលាម៉ោង៥ល្ងាច ថ្ងៃទី១៩ ខែតុលា ឆ្នាំ២០១៧ នៅបន្ទប់ជួលភូមិទួលពង្រ សង្កាត់ចោមចៅ ខណ្ឌពោធិ៍សែនជ័យ ។
នារីរងគ្រោះមានឈ្មោះ ជ ស អាយុ២២ឆ្នាំ មុខរបរកម្មការិនីរោងចក្រ ស្នាក់នៅបន្ទប់ជួលភូមិទួលពង្រ សង្កាត់ចោមចៅ ខណ្ឌសែនជ័យ មានស្រុកកំណើតនៅស្រុកប្រាសាទបល័ង្ល ខេត្តកំពង់ធំ ។ ចំណែកជនសង្ស័យឈ្មោះ គុយ សុគុណ ភេទប្រុស អាយុ២៤ឆ្នាំ មុខរបលើកអីវ៉ាន់នៅម្តុំគិរីរម្យ ស្នាក់នៅមិនពិតប្រាកដ មានស្រុកកំណើតនៅភូមិជាមួយជនរងគ្រោះ ។
តាមសំដីនារីរងគ្រោះបានរៀបរាប់ប្រាប់ថា បន្ទប់ជួលគាត់ស្នាក់នៅជាមួយមិត្តភក្តិស្រីនៅស្រុក និងធ្វើការជាមួយគ្នាមានគ្នា៥នាក់ ។ ចំណែកជនសង្ស័យខាងលើមានស្រុកកំណើតជាមួយគ្នាដែរតែនៅផ្ទះឆ្ងាយពីគ្នាហើយមិនសូវរាក់ទាក់ជាមួយគ្នាឡើយ ។ នៅមុនពេលកើតហេតុ រូបនាងទើបចេញមកពីធ្វើការរោងចក្រព្រោះមិនបានថែមម៉ោងទេ ចំណែកមិត្តភក្តិ និងអ្នកនៅបន្ទប់ជាមួយគ្នានៅថែមម៉ោងទាំងអស់គ្នានាងចេញមុនគេតែឯង ។ ពេលចេញពីធ្វើការហើយនាងបានទៅទិញម្ហូបរួចទើបមកដល់បន្ទប់ជួលបានចាក់សោបន្ទប់ហើយចូលទៅបើកភ្លើងដោយមិនបានបិទទ្វារទេ ស្រាប់តែជនសង្ស័យខាងលើបានចូលមកពីក្រោយហើយបិទទ្វារចាក់គន្លឹះពីខាងក្នុងជាប់ ភ្លាមៗនោះនាងស្ទុះទៅបើកទ្វារដែរតែជនសង្ស័យនៅជិតទ្វារទាញនាងមិនឲ្យបើកទ្វារ ។
ពេលនោះជនសង្ស័យបានចាប់ច្របាច់.ក ហើយខ្ទប់មាត់មិនឱ្យស្រែក តែខ្លួននៅតែស្រែកទើបជនសង្ស័យវាយទៅនារីរងគ្រោះ៤ដៃធ្វើឱ្យនាងភ័យលែងស្រែក រួចហើយជនសង្ស័យបានយកក្រមាចងដៃទៅក្រោយហើយចាប់ស្រាតសំលៀកបំពាក់នាងចេញអស់ ជនសង្ស័យបានយកប្រដាប់ភេទយកមកដាក់ក្នុងប្រដាប់ភេទនាងតែប្រដាប់ភេទជនសង្ស័យទន់ដាក់មិនអាចដាក់ចូល ស្រាប់តែជនសង្ស័យបានយកប្រដាប់ភេទទៅដាក់ក្នុងមាត់នាងតែនាងបិទមាត់ជិតក៏ត្រូវជនសង្ស័យយកដៃច្របាច់ដោះហើយយកអំបោសបោសសំរាមដែលមានដងជ័រយកទៅដាក់ចូលក្នុងប្រដាប់ភេទនារីរងគ្រោះបណ្តាយឱ្យហូរឈាមហូរ ហើយជនសង្ស័យខាងលើបានចូលបន្ទប់ទឹកនាងឃើញឱកាសល្អបានរត់ទាំងដៃជាប់ចំណងនិងអាក្រាតកាយទៅដកគន្លឹះរត់ទៅបន្ទប់មិត្តភក្តិនៅក្បែរនោះឱ្យគេជួយកាត់ចំណង ភ្លាមៗជនសង្ស័យរត់គេចខ្លួនបាត់ស្រមោល ។ ក្រោយពេលកើតហេតុ នារីរងគ្រោះ និងមិត្តភក្តិដែលនៅបន្ទប់ជាមួយគ្នាបាននាំគ្នាទៅដាក់ពាក់បណ្តឹងនៅប៉ុសិ៍្តនគរបាលរដ្ឋបាលចោមចៅដើម្បីឱ្យសមត្ថកិច្ចរកមុខសញ្ញាខាងលើមកផ្តន្ទាទោសតាមច្បាប់ ៕
ចែករំលែកព័តមាននេះ