រាជធានីភ្នំពេញ ៖ អណ្តាតភ្លើងយ៉ាងសន្ធោសន្ធៅបានឆាបឆេះឃ្លាំងស្តុកថ្នាំលាបផ្ទះ និងសាំងក្រអូប ហេតុការណ៍នេះបង្កការភ្ងាក់ផ្អើលយ៉ាងខ្លាំងកាលពីវេលាម៉ោង១និង៣០នាទីរំលងអធ្រាត្រឈានចូលថ្ងៃទី២២ ខែតុលា ឆ្នាំ២០១៧ នៅចំណុចភូមិ៦ សង្កាត់បឹងទំពុន២ ខណ្ឌមានជ័យ ។
ប្រភពពីប្រជាពលរដ្ឋរស់នៅជិតកន្លែងឆេះប្រាប់ដឹងថា មុនពេលកើតហេតុ គេឃើញមានភ្លើងឆេះចេញពីឃ្លាំងស្តុកថ្នាំលាបផ្ទះ និងសាំងក្រអូបយ៉ាងសន្ធោសន្ធៅបង្កការឱ្យភ្ងាក់ផ្អើលដល់ ពលរដ្ឋនាំគ្នាជួយយកបំពង់ពន្លត់អគ្គិភ័យមកបាញ់ពន្លត់ តែមិនរលត់ទេ ទើបទូរស័ព្ទប្រាប់សមត្ថកិច្ចឱ្យជួយហៅរថយន្តពន្លត់អគ្គិភ័យមកជួយបាញ់ពន្លត់រហូតជាង១ម៉ោង ទើបភ្លើងរលត់អស់ទៅវិញ។ ក្នុងហេតុការណ៍ភ្លើងឆេះឃ្លាំងនេះ គឺមិនមានអ្នកគ្រោះថ្នាក់ដល់អាយុជីវិតមនុស្សឡើយ គឺគ្រាន់តែខូចខាតសម្ភារៈ និងឃ្លាំងអស់ទាំងស្រុង ដោយសារតែសម្ភារៈដែលស្តុកក្នុងឃ្លាំងសុទ្ធតែជាសាំងក្រអូប និងថ្នាំលាបផ្ទះងាយនឹងឆាបឆេះ ហើយទីតាំងខាងលើនេះមានផ្លូវចេញចូលតូចចង្អៀត ដូច្នេះរថយន្តពន្លត់អគ្គីភ័យចូលម្តងបានតែមួយគ្រឿងទេ ។
សម្ថតកិច្ចបានប្រាប់ឱ្យដឹងថា ម្ចាស់ទីតាំងខាងលើឈ្មោះ ឈឹត សុកន ភេទប្រុស អាយុ៤៥ឆ្នាំ មុខរបរមន្ត្រីនគរបាលនៅក្រសួងមហាផ្ទៃ ។ ក្នុងហេតុការណ៍នេះម្ចាស់ទីតាំងមិនបានសហការជាមួយកម្លាំងសមត្ថកិច្ចពេលដែលភ្លើងឆេះឡើយ ។ ករណីភ្លើងឆេះខាងលើនេះ ប្រើប្រាស់ឡានទឹកសរុបអស់២០គ្រឿង ក្នុងនោះឡានរបស់ស្នងការរាជធានីភ្នំពេញ១៥គ្រឿង គឺស្នើនឹង៣០ជើង ចំណែកឡានទឹករបស់ស្រាបៀរកម្ពុជា១គ្រឿង និងឡានទឹករបស់ខណ្ឌជ្រាយចង្វារមក៤គ្រឿងបាញ់អស់ ទាំង៤គ្រឿងតែម្តង ៕
ចែករំលែកព័តមាននេះ