កងពលតូចលេខ៧០ បា.ញ់សាកល្បងអាវុធ PKM
- ភ្នំពេញ
រាជធានីភ្នំពេញ ៖ កងពលតូចលេខ៧០ ៖ យើងខ្ញុំជាមេបញ្ជាការ មេបញ្ជាការរង នាយទាហាន នាយទាហានរង និងពលទាហានទាំងអស់ នៃកងពលតូចលេខ៧០…
រាជធានីភ្នំពេញ ៖ កងពលតូចលេខ៧០ ៖ យើងខ្ញុំជាមេបញ្ជាការ មេបញ្ជាការរង នាយទាហាន នាយទាហានរង និងពលទាហានទាំងអស់ នៃកងពលតូចលេខ៧០…
រាជធានីភ្នំពេញ ៖ កងពលតូចលេខ៧០ ៖ យើងខ្ញុំជាមេបញ្ជាការ មេបញ្ជាការរង នាយទាហាន នាយទាហានរង និងពលទាហានទាំងអស់ នៃកងពលតូចលេខ៧០ សូមប្រឆាំងដាច់ខាតនូវសម្តីរបស់ ទណ្ឌិត សម រង្ស៊ី ឬជនណាដែលប៉ុនប៉ង ញុះញង់ឲ្យកងកម្លាំងប្រដាប់អាវុធ បែរចុងកាណុង ផ្តួលរំលំរាជរដ្ឋាភិបាលស្របច្បាប់ ។
យើងខ្ញុំសូមចាត់ទុកសម្តីញុះញង់បែបនេះ ថាជាសម្តីក្បត់ជាតិទាំងស្រុង ដែលមិនអាចលើកលែងបាន និងត្រូវតែថ្កោលទោសឲ្យធ្ងន់បន្ថែមទៀត បើទោះបីជាសម្តីនេះ បានធ្វើកាលពីឆ្នាំ២០១១នោះក្តី ។ យើងខ្ញុំទាំងអស់គ្នា ក៏សូមបន្តអនុវត្តយ៉ាងម៉ឺងម៉ាត់ក្នុងការរក្សាការពារបូរណភាពទឹកដី ការពាររដ្ឋធម្មនុញ្ញ និងការពាររាជរដ្ឋាភិបាលស្របច្បាប់ ដែលបានកំពុងអភិវឌ្ឍន៍ប្រទេស ឲ្យមានសុខសន្តិភាពពេញលេញនេះ និងប្រឆាំងដាច់ខាតមិនឲ្យមានការធ្វើបដិវត្តន៍ពណ៌ ផ្តួលរំលំរាជរដ្ឋាភិបាលស្របច្បាប់ ដឹកនាំដោយ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជានោះឡើយ និងក៏សូមគាំទ្រ សម្ដេច ដឹកនាំប្រទេសបន្តទៅថ្ងៃមុខជារៀងរហូត ។
អាវុធ PKM ដែលបំពាក់ចាប់ជាប់នៅលើរថយន្ត របស់កងពលតូចលេខ៧០ ត្រូវបានដឹកនាំទៅបាញ់សាកល្បងនៅតំបន់ភ្នំធំម្រះព្រៅ នៅស្រុកសំរោងទង ខេត្តកំពង់ស្ពឺ ។ ការបាញ់សាកល្បងដែលប្រព្រឹត្តិទៅនៅព្រឹកថ្ងៃទី២០ ខែតុលា នេះ គឺដើម្បីពិនិត្យកម្រិតគុណភាពរបស់អាវុធ និងភាពលំញ័ររបស់រថយន្ត ក្រោមការដឹកនាំបញ្ជាផ្ទាល់ពីមេបញ្ជាការកងពលតូចលេខ៧០ លោកឧត្តមសេនីយ៍ឯក ម៉ៅ សុផាន់ និងជួរបញ្ជាការរង ដឹកនាំកម្លាំងទ័ពពិសេស ដើម្បីដំណើរការបាញ់សាកល្បងនេះ ។ លោកឧត្តមសេនីយ៍ឯក ម៉ៅ សុផាន់ បានបញ្ចាក់ថា ក្រោយពីបានបាញ់រួច គឺអាវុធដំណើរការបានយ៉ាងល្អ ហើយមានប្រសិទ្ធភាពបម្រើឲ្យការប្រយុទ្ធ ប្រកបដោយប្រសិទ្ធភាព ៕
ចែករំលែកព័តមាននេះ