ខេត្តបន្ទាយមានជ័យ ៖ ប្រជាពលរដ្ឋក្រីក្រចំនួន៥គ្រួសារ នៅភូមិប៉ុស្តិ៍ ឃុំព្រះនេត្រព្រះ ស្រុកព្រះនេត្រព្រះ ខេត្តបន្ទាយមានជ័យ បានទទួលអំណោយរបស់លោកឧត្តមសេនីយ៍ទោ អាត់ ខែម ស្នងការនគរបាលខេត្តបន្ទាយមានជ័យ នៅថ្ងៃទី២១ ខែតុលា ឆ្នាំ២០១៧ នេះ ។
លោកអនុសេនីយ៍ឯក ទេព រដ្ឋា អធិការរងនគរបាលនគរបាលស្រុកព្រះនេត្រព្រះ បានឲ្យដឹងថា ដោយពិនិត្យឃើញ ពីជីវភាពលំបាករបស់ប្រជាពលរដ្ឋទាំង៥គ្រួសារនេះ ។ លោកឧត្តមសេនីយ៍ទោ អាត់ ខែម ស្នងការនគរបាលខេត្តបន្ទាយមានជ័យ បានផ្តល់អំណោយតាមរយៈលោក យកទៅចែកជូនដល់ប្រជាពលរដ្ឋទាំង៥គ្រួសារ ក្នុងនោះ១គ្រួសារ ទទួលបានអំណោយ អង្ករចំនួន២៥គ.ក្រ, មី១កេស, ក្រមា១, សារុង១ កងកម្លាំងនគរបាល និងកម្លាំងប្រជាការពារភូមិសរុបចំនួន១៧នាក់ម្នាក់ ទទួលបានសារុង១ផងដែរ ។
លោកអធិការរង បានបញ្ជាក់ទៀតថា នេះគឺជាអំណោយតិចតួច ហើយជាការចែករំលែករបស់លោកឧត្តមសេនីយ៍ស្នងការ ដែលលោកតែងយកចិត្តទុកដាក់ជួយប្រជាពលរដ្ឋ ក្នុងគ្រាជួបការលំបាក ម្យ៉ាងវិញទៀត វប្បធម៌ចែករំលែកនេះ ប្រពៃណីខ្មែរយើងមានតាំងពីបុរាណមកម្ល៉េះ គឺជួយគ្នាទៅវិញទៅមក ។ ហើយចំពោះអំណោយទាំងនេះ ថ្វីត្បិតតែមិនបានតាមត្រូវការរបស់បងប្អូនក៏ពិតមែន តែអាចជួយសម្រាលទុកលំបាករបស់ អ៊ុំ ពូ មីន និងបងប្អូនមួយគ្រាផងដែរ ៕
ចែករំលែកព័តមាននេះ