សមាសភាពសហព័ន្ធយុវជនស្រុកព្រះនេត្រព្រះ
- បន្ទាយមានជ័យ
បន្ទាយមានជ័យ ៖ លោក លី សារី អភិបាលរងនៃគណៈអភិបាលខេត្ត ជាប្រធានក្រុមការងារខេត្ត ចុះជួយស្រុកព្រះនេត្រព្រះនិងឯកឧត្តម ប៉ោ វណ្ណាត…
បន្ទាយមានជ័យ ៖ លោក លី សារី អភិបាលរងនៃគណៈអភិបាលខេត្ត ជាប្រធានក្រុមការងារខេត្ត ចុះជួយស្រុកព្រះនេត្រព្រះនិងឯកឧត្តម ប៉ោ វណ្ណាត…
បន្ទាយមានជ័យ ៖ លោក លី សារី អភិបាលរងនៃគណៈអភិបាលខេត្ត ជាប្រធានក្រុមការងារខេត្ត ចុះជួយស្រុកព្រះនេត្រព្រះនិងឯកឧត្តម ប៉ោ វណ្ណាត ប្រធានសហព័ន្ធយុវជនខេត្តបន្ទាយមានជ័យ បានថ្លែងក្នុងកម្មវិធីប្រកាសសមាសភាព សហព័ន្ធយុវជនស្រុកព្រះនេត្រព្រះចំនួន៥២នាក់ នៅថ្ងៃទី១៩ ខែតុលា ឆ្នាំ២០១៧ ដោយការកោតសរសើរដល់សហភាពសហព័ន្ធយុវជនកម្ពុជាគ្រប់ថ្នាក់ដែលបានយកចិត្តទុកដាក់សហការល្អជាមួយអាជ្ញាធរដែនដីគ្រប់លំដាប់ថ្នាក់ក្នុងបុព្វហេតុ មនុស្សធម៌ និងសកម្មភាពផ្សេងៗទៀតសម្រាប់ប្រជាពលរដ្ឋ ។
ឯកឧត្តម ប៉ោ វណ្ណាតបានបញ្ជាក់ថា យុវជនគឺជាកម្លាំងស្នូលដ៏រឹងមាំ ជាធនធានមនុស្សដ៏សំខាន់ ក្នុងការចូលរួមចំណែកកិច្ច អភិវឌ្ឍន៍សង្គម ចូលរួមជាមួយអាជ្ញាធរដែនដី និងបម្រើប្រជាពលរដ្ឋ ។ យុវជនជាសរសៃឈាម ជាកោសិការរឹងមាំ ជាមួយគ្នានោះដែរ ឯកឧត្តមក៏បានណែនាំដល់ប្រធាន-អនុប្រធាន និងសមាជិក សមាជិកា ដែលត្រូវបានប្រកាសទទួលស្គាល់នាពេលនេះត្រូវជួយបន្តសកម្មភាពការងារជាមួយអាជ្ញាធរឲ្យបានខ្លាំងក្លាថែមទៀត អប់រំបំផុសចលនាមហាជនឲ្យបានខ្លាំងក្លា ខិតខំធ្វើអំពើល្អជាមួយប្រជាពលរដ្ឋ ។
សហភាពសហព័ន្ធយុវជនស្រុកព្រះនេត្រព្រះ បានធ្វើសេចក្តីរាយការណ៍ថា កន្លងមកយុវជនបានចូលរួមចំណែកយ៉ាងសកម្មជាមួយអាជ្ញាធរមូលដ្ឋានគ្រប់លំដាប់ថ្នាក់ ជួយប្រជាពលរដ្ឋរងគ្រោះ ជាងនេះក៏បានចូលរួមផ្សព្វផ្សាយពីភូមិ-ឃុំមានសុវត្ថិភាព និងច្បាប់ចរាចរណ៍ផ្លូវគោកជូនប្រជាពលរដ្ឋបានយល់ជ្រាប ឲ្យគាត់ចូលរួមទាំងអស់គ្នា៕
ចែករំលែកព័តមាននេះ