ខេត្តព្រះសីហនុ ៖ អំណោយរបស់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា និងលោកជំទាវកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន តាមរយៈលោកឧត្តមនាវីឯក អ៊ុក សីហា មេបញ្ជាការកងទ័ពជើងទឹកមូលដ្ឋានសមុទ្ររាម បាននាំយកទៅចែកជូនដល់ក្រុមនិស្សិតស្ម័គ្រចិត្តចំនួន៤ក្រុម និងមន្ត្រីជំនាញចំនួន៤ក្រុមដែលកំពុងបំពេញភារកិច្ចនៅក្នុងស្រុកព្រៃនប់ និងស្រុកកំពង់សិលា កាលពីថ្ងៃទី៣០ កញ្ញា ២០១២ ។
លោកឧត្តមនាវីឯក អ៊ុក សីហា បានឱ្យដឹងថា អំណោយដែលយកមកចែកជូននាពេលនេះ គឺជាអំណោយដ៏ថ្លៃថ្លារបស់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា និងលោកជំទាវកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន ក្នុងនោះមានគ្រឿងឧបភោគបរិភោគសម្ភារប្រើប្រាស់ និងថវិកាចំនួន២៤.០០០.០០០រៀល ជូនដល់ទាំងក្រុមការងារជំនាញ និងក្រុមនិស្សិតស្មើនឹង៨ក្រុម ដែលកំពុងបំពេញភារកិច្ចនៅក្នុងស្រុកព្រៃនប់ និងស្រុកកំពង់សិលា ដោយក្នុងមួយក្រុមទទួលបានថវិកាចំនួន១.៥០០.០០០រៀល ។ បន្ថែមលើនេះទៀតសម្តេចជូនដល់ក្រុមនិស្សិតចំនួន៥០០.០០០រៀល ក្នុងមួយក្រុម (សម្រាប់តែក្រុមនិស្សិត) ថវិកាទាំងនេះគឺទុកបម្រុងឱ្យក្រុមជួយដល់ប្រជាពលរដ្ឋណាដែលមានជីវភាពទីទ័លក្រ ស្ថិតក្នុងភូមិស្រាស្ត្រកំពុងបំពេញភារកិច្ច ។
ព័ត៌មានលំអិតនឹងផ្សាយជូននៅពេលក្រោយ នៅលើទំព័រកាសែតកោះសន្តិភាព និងនៅតាមវិទ្យុសំឡេងកោះសន្តិភាព FM 87.75 រាជធានីភ្នំពេញ, FM 87.5 ខេត្តបាត់ដំបង៕
ចែករំលែកព័តមាននេះ