ខេត្តកំពង់ចាម ៖ ដោយមានក្តីអាណិតអាសូរពីលោកឧត្តមសេនីយ៍ត្រី ឆាយ គឹមសុន ស្នងការនគរបាលខេត្តចំពោះលោកយាយឈ្មោះមាស ឃីន អាយុ១១១ឆ្នាំ ដែលមានអាយុវែងជាងគេបំផុតនៅក្នុងភូមិត្រពាំងឫស្សី ឃុំជយោ ស្រុកចំការលើ កំពុងតែរស់នៅជាមួយនឹងចៅស្រី ព្រមទាំងមានជីវភាពក្រីក្រទៀតផងនោះ លោកក៏បានចាត់មន្ត្រីក្រោមឱវាទ នាំយកអំណោយ និងគ្រឿងឧបភោគបរិភោគមួយចំនួនទៅប្រគល់ជូនដល់លោកយាយកាលពីព្រឹកថ្ងៃទី៣០ កញ្ញា ២០១២ ។
លោកវរសេនីយ៍ត្រី សុក សំបូរ នាយការិយាល័យព្រហ្មទណ្ឌកម្រិតស្រាល នៃស្នងការដ្ឋាននគរបាលខេត្តមានប្រសាសន៍ឱ្យកោះសន្តិភាពដឹងថា ប្រជាពលរដ្ឋរស់នៅស្រុកចំការលើ បានទូរស័ព្ទរាយការណ៍មកលោកឧត្តមសេនីយ៍ត្រី ស្នងការនគរបាលខេត្តថា លោកយាយចាស់ជរាឈ្មោះមាស ឃីន ដែលរស់នៅជាមួយនឹងចៅស្រី ក្រោមដំបូលផ្ទះឈើតូចមួយប្រក់ស្លឹកធ្លុះធ្លាយរយេករយាកគួរឱ្យអាណិតអាសូរដើរទៅណាមកណាមិនរួចនោះទេ ដោយដើរបានតែនៅលើផ្ទះប៉ុណ្ណោះ ។ ដោយឮបែបនេះលោកក៏ចាត់ឱ្យមន្ត្រីក្រោមឱវាតចុះមកពិនិត្យមើល និងនាំយកអំណោយមកប្រគល់ជូន ។
ព័ត៌មានលំអិតនឹងផ្សាយជូននៅពេលក្រោយ នៅលើទំព័រកាសែតកោះសន្តិភាព និងនៅតាមវិទ្យុសំឡេងកោះសន្តិភាព FM 87.75 រាជធានីភ្នំពេញ, FM 87.5 ខេត្តបាត់ដំបង៕
ចែករំលែកព័តមាននេះ