ខេត្តរតនគិរី ៖ លោក មឿង សារិទ្ធ ប្រធានការិយាល័យចរាចរណ៍ផ្លូវគោក បានសហការជាមួយមន្ទីសាធារណៈការ និងដឹកជញ្ជូនខេត្តរតនគិរី ចុះចែកខិតប័ណ្ណដល់ម្ចាស់រថយន្តរត់តាក់ស៊ី រថយន្តក្រុង រថយន្តលក្ខណៈគ្រួសារ និងបងប្អូនប្រជាពលរដ្ឋទាំងអស់ ក្នុងឱកាសកាន់បិណ្ឌ និងភ្ជុំបិណ្ឌខាងមុខនេះ អំពីសុវត្ថភាពក្នុងការធ្វើដំណើរទៅទីជិតទីឆ្ងាយ ។ ការដឹកនាំចុះចែកចាយនេះ បានធ្វើឡើងនៅព្រឹកថ្ងៃទី១៣ ខែកញ្ញា ឆ្នាំ២០១៧ ។ ១.បើកបរកុំពិសារគ្រឿងស្រវឹង ២.កុំបើកបរលើសល្បឿនកំណត់ ៣.បើកបរត្រូវពាក់ខ្សែក្រវាត់សុវត្តិភាព ៤.បើកបរត្រូវពាក់មួកសុវត្តិភាព ៥.បើកបរត្រូវចេះអធ្យាស្រ័យឲ្យគ្នាទៅវិញទៅមក ។ លោកបន្តថា អាយុជីវិតរបស់លោកអ្នក និងអ្នកដទៃ គឺអាស្រ័យលើលោកអ្នក ចេះគោរពច្បាប់ចរាចរណ៍ ចេះអធ្យាស្រ័យគ្នា ដូចពាក្យស្លោកមួយឃ្លារបស់ សម្តេចអគ្គសេនាបតីតេជោ ហ៊ុន សែន ថា “ថ្ងៃនេះថ្ងៃស្អែក កុំឲ្យមានគ្រោះថ្នាក់ចរាចរណ៍ ” ៕
ចែករំលែកព័តមាននេះ