ខេត្តព្រៃវែង ៖ បុរសវ័យកណ្តាលម្នាក់ បានសម្រេចចិត្តចង.កបញ្ចប់ជីវិតខ្លួនឯង រហូតបានសម្រេច ដោយសារតែខឹងនឹងកូនៗ ដែលមិនព្រមស្តាប់ និងធ្វើតាមការណែនាំរបស់ខ្លួន ។ នេះគឺជាគំនិតខុសឆ្គងមួយ…
ខេត្តព្រៃវែង ៖ បុរសវ័យកណ្តាលម្នាក់ បានសម្រេចចិត្តចង.កបញ្ចប់ជីវិតខ្លួនឯង រហូតបានសម្រេច ដោយសារតែខឹងនឹងកូនៗ ដែលមិនព្រមស្តាប់ និងធ្វើតាមការណែនាំរបស់ខ្លួន ។ នេះគឺជាគំនិតខុសឆ្គងមួយ ដែលកម្រកើតមាន ហើយវាមិនបានចំណេញអ្វីទាំងអស់ ក្រៅតែពីធ្វើឲ្យប្រពន្ធ និងកូនៗ កំព្រាវេទនាប៉ុណ្ណោះ ។
ហេតុការណ៍នេះ បានកើតឡើង និងបង្កឲ្យមានភាពភ្ញាក់ផ្អើល នៅវេលាម៉ោង០៨ព្រឹក ថ្ងៃទី១៣ ខែកញ្ញា ឆ្នាំ២០១៧ នៅចំណុចវាលស្រែខាងកើតភូមិព្រហូត ចំងាយ៥០០ម៉ែត្រ ស្ថិតក្នុងភូមិព្រហូត ឃុំសំរោង ស្រុកស្វាយអន្ទរ ខេត្តព្រៃវែង ។ ជនដែលគិតខ្លីខាងលើមានឈ្មោះ នួន គឹមឈាន ភេទប្រុស អាយុ៤៦ឆ្នាំ មុខរបរជាកសិករ និងមានទីលំនៅក្នុងភូមិកើតហេតុតែម្តង ។
យោងតាមប្រភពព័ត៌មានពីសមត្ថកិច្ចបានឲ្យដឹងថា នៅក្រោយពេលកើតហេតុ ប្រពន្ធជនរងគ្រោះខាងលើ បានប្រាប់ទៅសមត្ថកិច្ចថា កន្លងមកប្តីរបស់ខ្លួនធ្លាប់បានធ្វើសកម្មភាពចង.កសម្លាប់ខ្លួន៤ទៅ៥លើកមកហើយ តែមិនបានសម្រេច ព្រោះមានអ្នកទៅជួយទាន់ ។ ហើយថ្មីៗនេះ ដោយសារតែនិយាយប្រៀនប្រដៅកូន ហើយកូនមិនស្តាប់ គាត់ក៏បានគំរាមចង.កសម្លាប់ខ្លួនទៀត ប៉ុន្តែគាត់ជាប្រពន្ធមិនចាប់អារម្មណ៍ ព្រោះគិតថាប្តីគ្រាន់តែសម្លុតកូន រហូតដល់យប់ថ្ងៃទី១២ ខែកញ្ញា ឆ្នាំ២០១៧ ក៏ស្រាប់តែបាត់មិនឃើញប្តីគាត់ចូលផ្ទះ លុះព្រឹកឡើងទើបឮអ្នកស្រុករត់មកប្រាប់ថា ឃើញប្តីគាត់ចង.កសម្លាប់ខ្លួន នៅនឹងដើមពុទ្រាកណ្តាលវាលស្រែស្លាប់បាត់ទៅហើយ ទើបមានការភ្ញាក់ផ្អើល និងរាយការណ៍ប្រាប់សមត្ថកិច្ចតែម្តង ។
ដោយឡែកខាងសមត្ថកិច្ចដែលបានចុះទៅត្រួតពិនិត្យសាកសពជនរងគ្រោះ បានឲ្យដឹងថា តាមរយៈការពិនិត្យលើដងខ្លួននៃសព ឃើញថាជនរងគ្រោះពិតជាស្លាប់ដោយសារការចង.កសម្លាប់ខ្លួនពិតមែន ទើបប្រគល់សាកសពទៅឲ្យក្រុមគ្រួសារ យកទៅធ្វើបុណ្យតាមប្រពៃណីនៅព្រឹកថ្ងៃទី១៣ ខែកញ្ញា នោះតែម្តងទៅ ៕
ចែករំលែកព័តមាននេះ