រាជធានីភ្នំពេញ ៖ យុវជន២នាក់ជិះម៉ូតូហុងដាឌ្រីម បើកលឿនសង្ស័យស្រវឹងស្រា បានបើកទៅបុកចំពីមុខពេញទំហឹង ម៉ូតូហុងដាឌ្រីមមួយគ្រឿងទៀត បណ្តាលឲ្យរងរបួសធ្ងន់ម្នាក់ និងរបួសស្រាល២នាក់ ហេតុការណ៍នេះបានកើតឡើងកាលពីវេលាម៉ោង១២និង៣០នាទីរំលងអធ្រាត្រ ឈានចូលថ្ងៃទី១៤…
រាជធានីភ្នំពេញ ៖ យុវជន២នាក់ជិះម៉ូតូហុងដាឌ្រីម បើកលឿនសង្ស័យស្រវឹងស្រា បានបើកទៅបុកចំពីមុខពេញទំហឹង ម៉ូតូហុងដាឌ្រីមមួយគ្រឿងទៀត បណ្តាលឲ្យរងរបួសធ្ងន់ម្នាក់ និងរបួសស្រាល២នាក់ ហេតុការណ៍នេះបានកើតឡើងកាលពីវេលាម៉ោង១២និង៣០នាទីរំលងអធ្រាត្រ ឈានចូលថ្ងៃទី១៤ ខែកញ្ញា ឆ្នាំ២០១៧ តាមបណ្តោយផ្លូវព្រះសីហនុនៅចំណុចរង្វង់មូលវិមានឯករាជ្យ ស្ថិតនៅក្នុងសង្កាត់ទន្លេបាសាក់ ខណ្ឌចំការមន ។
សាក្សីដែលឃើញហេតុការណ៍បានឲ្យដឹងថា មុនពេលកើតហេតុ គេបានឃើញយុវជន២នាក់ជិះម៉ូតូម៉ាកហុងដាឌ្រីម ពណ៌ខ្មៅ ស៊េរី២០១៦ ពាក់ស្លាកលេខ ភ្នំពេញ ១GA-៣៩៤២ ធ្វើដំណើរមកតាមបណ្តោយផ្លូវព្រះសីហនុក្នុងទិសដៅពីត្បូងទៅជើង គោលបំណងបត់ស្តាំទៅមុខណាហ្គាវើរ ខណៈពេលកំពុងតែបត់ក៏ស្រាប់តែមានបុរសម្នាក់ជិះម៉ូតូម៉ាកហុងដាឌ្រីម ពណ៌ខ្មៅ ស៊េរី២០១៦ ពាក់ស្លាកលេខ កំពត ១K-៩៤៧៦ ធ្វើដំណើរមកតាមបណ្តោយផ្លូវព្រះសីហនុ ក្នុងទិសដៅពីលិចទៅកើតក្នុងល្បឿនយ៉ាងលឿន ទំណងជាស្រវឹងស្រាទើបមិនបានបន្ថយល្បឿនមើលគាត់បត់នោះទេ ក៏ជ្រុលទៅបុកចំពីមុខពេញទំហឹង បណ្តាលឲ្យរងរបួសធ្ងន់ខ្លួនឯងសន្លប់ស្តូកស្តឹងនៅនឹងកន្លែងកើតហេតុ ចំណែកឯខាងម៉ូតូដែលជិះគ្នា២នាក់នោះវិញ រងរបួសស្រាល ឬឯម៉ូតូទាំងសងខាងក៏មិនមានធ្ងន់ធ្ងរអ្វីនោះឡើយ ភ្លាមៗនោះដែល រថយន្តរបស់គ្លីនិកឯកជន បានមកដល់ដឹកយកជនរងគ្រោះថ្នាក់យកទៅព្យាបាល ។
ក្រោយពេលកើតហេតុ ម៉ូតូភាគីទាំងសងខាងវិញ ត្រូវសមត្ថកិច្ចវាស់វែងយកទៅរក្សាទុកនៅអធិការដ្ឋាននគរបាលខណ្ឌចំការមន រង់ចាំដោះស្រាយគ្នានៅពេលក្រោយទៀត ៕
ចែករំលែកព័តមាននេះ