អស្ចារ្យ​ណាស់ Ronaldo សូ​ម្បី​តែ Messi ក៏​នៅ​ចាញ់​ដែរ

ដោយ ៖ សំណាង   

ថ្ងៃព្រហស្បតិ៍ ទី១៤ ខែកញ្ញា ឆ្នាំ២០១៧ ម៉ោង ១៨:០៩   (14-09-2017 18:09)

តាម​ប្រភព​ព័ត៌មាន Goal បាន​ឲ្យ​ដឹង​ថា ជើង​ខ្លាំង Cristiano Ronaldo អបអរ​នឹង​ចំណាត់ថ្នាក់​លេខ​មួយ​របស់​ខ្លួន​ក្នុង FIFA 18 ដោយ​បង្ហោះ​រូបថត​ឈរ​កាន់​ស្លាក​ចំណាត់​ថ្នាក់លើ Instagram​ ។ ជើងឯក​ប្រចាំ​ក្លឹ​ប​អធិរាជ​ស Real Madrid បាន​គេ​ឲ្យ​ពិន្ទុ​ខ្ពស់​ដល់​ទៅ​៩៤ ខណៈ​ដែល​គូប្រជែង​របស់​ខ្លួន​ខ្ញី​ចាស់ Lionel Messi បាន​ពិន្ទុ​ត្រឹមតែ​៩៣ ។ កីឡាករ​រូប​សង្ហា​អាយុ​៣២​ឆ្នាំ​ម្នាក់​នេះ​បាន​ថតរូប​របស់​ខ្លួន​កាន់​ស្លាក​ចំណាត់ថ្នាក់ ហើយ​បង្ហោះ​ចែកចាយ​ក្នុង Instagram ដើម្បី​ឲ្យ​អ្នកគាំទ្រ​បានដឹង ។ ពិតជា​អស្ចារ្យ​មែន​សម្រាប់ Ronaldo ដែល​អាច​ឈរ​លើ​ចំណាត់​ថ្នាក់ខ្ពស់​ជាងគេ​បង្អស់​សម្រាប់ FIFA18 ដោយ​សូ​ម្បី​តែ Messi ក៏​នៅ​ចាញ់ Ronaldo ដែរ ៕