ខេត្តរតនគិរី ៖ បុរសស្ត្រី២នាក់ដែលគេស្គាល់ថាជាជនជាតិវៀតណាមនោះ ត្រូវបានសមត្ថកិច្ចធ្វើការឃាត់ខ្លួននៅវេលាម៉ោង៥ និង៣០នាទីល្ងាច ថ្ងៃទី១២ ខែកញ្ញា ឆ្នាំ២០១៧ បន្ទាប់ពីឆែកឆេររុករកឃើញមានលួចស្តុកឈើប្រណីតខុសច្បាប់ជាច្រើនដុំ។
ការចុះបង្ក្រាបរបស់កម្លាំងចម្រុះក្រោមការសម្របសម្រួលពីលោកព្រះរាជអាជ្ញារងអមសាលាដំបូងខេត្តរតនគិរី ចុះត្រួតពិនិត្យទីតាំងស្តុកឈើមួយកន្លែងនោះស្ថិតនៅភូមិជ័យជំនះ សង្កាត់ឡាបានសៀក ក្រុងបានលុង ខេត្តរតនគិរី និងបានធ្វើការឃាត់ខ្លួនជនជាតិវៀតណាមប្រុសស្រី២នាក់ ពីបទប្រមូលទិញ និងស្តុបឈើដោយខុសច្បាប់។
ជនសង្ស័យទី១-ឈ្មោះ ង្វៀង វ៉ាន់កុង ភេទប្រុស អាយុ៤៥ឆ្នាំ រស់នៅខេត្តបាក់និញ កាន់លិខិតឆ្លងដែនលេខ.B2856663។ ទី២-ឈ្មោះ ខៀវ ធីហាញ់ ភេទស្រី អាយុ៤៤ឆ្នាំ រស់នៅខេត្តថាញ់ហ័រ កាន់លិខិតឆ្លងដែនលេខ.B8931758។ ក្រោយឃាត់ខ្លួនសមត្ថកិច្ចបានធ្វើកំណត់ហេតុដំណើរការតាមនីតិវិធីនៅការិយាល័យគ្រប់គ្រងជនបរទេស។ រីឯវត្ថុតាងធ្វើការរឹបអូសយករក្សារទុកប្រគល់ឱ្យជំនាញរដ្ឋបាលព្រៃឈើចាត់កាតាមច្បាប់ព្រៃឈើ៕
ចែករំលែកព័តមាននេះ