រាជធានីភ្នំពេញ៖ ស្ថានទូតសហរដ្ឋអាមេរិកប្រចាំទីក្រុងភ្នំពេញនៃព្រះរាជាណាចក្រកម្ពុជាបានប្រកាសថា ចាប់ពីថ្ងៃទី១៣ ខែកញ្ញា ឆ្នាំ២០១៧ នឹងផ្អាកលែងចេញទិដ្ឋាការប្រភេទមិនមែនអន្តោប្រវេសន៍មួយចំនួននៅប្រទេសកម្ពុជា។ នេះបើយោងតាមព័ត៌មាននៅលើគេហទំព័ររបស់ស្ថានទូតអាមេរិក។ ស្ថាតទូតអាមេរិកប្រចាំកម្ពុជាបញ្ជាក់ថា ស្ថានទូតនឹងផ្អាកលែងចេញទិដ្ឋាការប្រភេទ B1…
រាជធានីភ្នំពេញ៖ ស្ថានទូតសហរដ្ឋអាមេរិកប្រចាំទីក្រុងភ្នំពេញនៃព្រះរាជាណាចក្រកម្ពុជាបានប្រកាសថា ចាប់ពីថ្ងៃទី១៣ ខែកញ្ញា ឆ្នាំ២០១៧ នឹងផ្អាកលែងចេញទិដ្ឋាការប្រភេទមិនមែនអន្តោប្រវេសន៍មួយចំនួននៅប្រទេសកម្ពុជា។ នេះបើយោងតាមព័ត៌មាននៅលើគេហទំព័ររបស់ស្ថានទូតអាមេរិក។
ស្ថាតទូតអាមេរិកប្រចាំកម្ពុជាបញ្ជាក់ថា ស្ថានទូតនឹងផ្អាកលែងចេញទិដ្ឋាការប្រភេទ B1 ប្រភេទ B2 និងប្រភេទ B1/B2 «ដល់មន្ត្រីនៃក្រសួងការបរទេសកម្ពុជាដែលមានតួនាទីចាប់ពីថ្នាក់អគ្គនាយករហូតដល់ថ្នាក់ដឹកនាំកំពូលនៃក្រសួងនេះ និងសមាជិកក្រុមគ្រួសាររបស់ពួកគេ ដោយមានករណីលើកលែងតិចតួចប៉ុណ្ណោះ»។
គេហទំព័រដដែលបានបន្តថា៖ ដោយយោងតាមមាត្រា 243 (d) នៃច្បាប់អន្តោប្រវេសន៍ និងសញ្ជាតិសហរដ្ឋអាមេរិក នៅពេលទទួលបានសំណើរពីរដ្ឋមន្ត្រីក្រសួងសន្តិសុខមាតុភូមិថា មានប្រទេសមួយចំនួនបានបដិសេធមិនទទួលយក ឬប្រើប្រាស់ហេតុផលដែលមិនសមស្របដើម្បីពន្យារពេលទទួលយកពលរដ្ឋនៃប្រទេសរបស់ពួកគេវិញនោះ រដ្ឋមន្ត្រីការបរទេសអាមេរិកត្រូវបញ្ជាឱ្យមន្ត្រីកុងស៊ុលបញ្ឈប់លែងផ្តល់ទិដ្ឋាការរហូតទាល់តែរដ្ឋមន្ត្រីសន្តិសុខមាតុភូមិទទួលបានព័ត៌មានថា ប្រទេសដែលពាក់ព័ន្ធទាំងនោះបានយល់ព្រមទទួលយកពលរដ្ឋរបស់គេវិញហើយ។
ព័ត៌មានលើគេហទំព័រស្ថានទូតអាមេរិកបញ្ជាក់ថា៖ «ប្រសិនបើអ្នកស្ថិតនៅក្នុងក្រុមដែលត្រូវបានគេផ្អាកការចេញទិដ្ឋាការ ហើយអ្នកសម្រេចចិត្តដាក់ពាក្យសុំទិដ្ឋាការនោះ មន្ត្រីកុងស៊ុលនឹងសម្ភាសអ្នក ប៉ុន្តែមិនអាចផ្តល់ទិដ្ឋាការជូនបានទេ រហូតទាល់តែការផ្អាកនោះត្រូវបានលើកលែង។ សូមពិចារណាឱ្យបានដិតដល់មុនពេលដាក់ពាក្យសុំទិដ្ឋាការ»។ ហើយសម្រាប់ថ្លៃដាក់ពាក្យសុំទិដ្ឋាការដែលបានបង់រួច មិនអាចបង្វិលសងវិញបានទេ។
ចែករំលែកព័តមាននេះ