ខេត្តរតនគិរី ៖ កម្លាំងអធិការនគបាលស្រុកលំផាត់ បានឃាត់ខ្លួនជនសង្ស័យម្នាក់ ក្នុងចំណោមក្មេងទំនើងជាច្រើននាក់ បានប្រើអំពើហិង្សារកាប់ចាក់គ្នាប្រដាប់ដោយដំបងឈើជ្រុង និងដាវសាមូរ៉ៃ ។ ការឃាត់ខ្លួននេះបានធ្វើឡើងនៅពេលរសៀល ថ្ងៃទី០៩…
ខេត្តរតនគិរី ៖ កម្លាំងអធិការនគបាលស្រុកលំផាត់ បានឃាត់ខ្លួនជនសង្ស័យម្នាក់ ក្នុងចំណោមក្មេងទំនើងជាច្រើននាក់ បានប្រើអំពើហិង្សារកាប់ចាក់គ្នាប្រដាប់ដោយដំបងឈើជ្រុង និងដាវសាមូរ៉ៃ ។ ការឃាត់ខ្លួននេះបានធ្វើឡើងនៅពេលរសៀល ថ្ងៃទី០៩ ខែសីហា ឆ្នាំ២០១៧ នៅភូមិចាងរ៉ា ឃុំបាតាង ស្រុកលំផាត់ ខេត្តរតនគិរី ។
យោងតាមរបាយការណ៍នគរបាលស្រុកលំផាត់ បានបញ្ជាក់ថា ករណីក្មេងទំនើងពីរក្រុមកាប់គ្នាដោយដាវសាមូរ៉ៃ និងដំបងគល់ឬស្សី នៅវេលាម៉ោង២៣និង១០នាទី ថ្ងៃទី០៨ ខែកញ្ញា ឆ្នាំ២០១៧ ចំណុចមុខវត្តសោភ័ណ្ឌរតនារាម (ហៅវត្តជំរុំបីស្រុក) ស្ថិតក្នុងភូមិកាឡែងលើ ឃុំកាឡែង ស្រុកលំផាត់ ខេត្តរតនគិរី ។
ជនសង្ស័យដែលឃាត់ខ្លួនមានឈ្មោះ ថាវ លីន ភេទប្រុស អាយុ២១ឆ្នាំ រស់នៅភូមិចាងរ៉ា ឃុំបាតាង ស្រុកលំផាត់ ខេត្តរតនគិរី ។ ក្រោយការស៊ើបអង្កេតស្រាវជ្រាវឃើញ និងដកហូតបានវត្ថុតាងបទល្មើសដាវសាមូរ៉ៃ ដំបងឫស្សី បន្ទះក្ដា និងឈើប្រាំបួនជ្រុង ។ ហើយកម្លាំងជំនាញបានកសាងសំណុំរឿង បញ្ជូនទៅសាលាដំបូងខេត្តចាត់ការតាមនីតិវិធី ៕
ចែករំលែកព័តមាននេះ