ខេត្តព្រះសីហនុ ៖ ជនសង្ស័យចំនួន៣នាក់ ក្នុងចំណោមបក្ខពួក៧នាក់ ត្រូវកម្លាំងសមត្ថកិច្ចចាប់ឃាត់ខ្លួនបាន បន្ទាប់ពីក្រុមជនទាំងនេះបានធ្វើសកម្មភាព ប្រើអំពើហិង្សាកាប់បុរសម្នាក់ចំកញ្ចឹងក នៅវត្តវាលមាស ឃុំវាលរេញ ស្រុកព្រៃនប់ នៅម៉ោង០៩និង៣០នាទីយប់ ថ្ងៃទី១២ ខែកញ្ញា ឆ្នាំ២០១៧ នេះ ។
តាមសមត្ថកិច្ចមូលដ្ឋានបានឲ្យដឹងថា នៅត្រង់ចំណុចទីតាំងខាលើ មានករណីហិង្សាមួយកើតឡើង បង្កឡើងដោយជនសង្ស័យមួយក្រុមមានគ្នា៧នាក់ បន្ទាប់ពីកើតហេតុ សមត្តកិច្ចឃាត់ខ្លួនបានចំនួន៣នាក់ មានទី១.បុត្រ ធី ភេទប្រុស មុខរបរកម្មករហ្គាស ទី២.ណាត ជីវ៉ា ភេទប្រុស មុខរបរមិនពិតប្រាកដ និងទី៣.ហឺយ គឹមហេង ភេទប្រុស មុខរបរមិនពិតប្រាកដ អ្នកទាំងបីមានទីលំនៅ នៅភូមិសំរុងលើ ឃុំសំរុង ស្រុកព្រៃនប់ ។
ឬឯបក្យពួក៤នាក់ទៀត ដែលត្រូវបានស្គាល់អត្តសញ្ណាណខ្លះហើយនោះ បានរត់គេចខ្លួន ។ ក្រុមជនខាងលើបានប្រើកាំបិតកាប់ទៅលើឈ្មោះ ធឹម អីម ភេទប្រុស អាយុ២៦ឆ្នាំ មុខរបរជាងដែក មានទីលំនៅភូមិឃុំជាមួយគ្នា ត្រូវចំកញ្ចឹងក ប្រវែង៦សង់ទីម៉ែត្រ ដោយសារទំនាស់ពាក្យសម្ដីគ្នា បន្ទាប់ពីបង្ក្រាបសមត្ថកិច្ចដកហូតបាន អាវុធស្នប់១ដើម, កាំបិតចំនួន១, ដំបងដែកចំនួន១, ដាវសាមូរ៉ៃចំនួន១, ជនសង្ស័យ និងវត្ថុតាងយកទៅកាន់អធិការដ្ឋានស្រុកព្រៃនប់ ចាត់ការតាមនីតិវិធី ៕ ឯជនដែលគេចខ្លួន សមត្ថកិច្ចកំពុងធ្វើការប្រមាញ់ជាបន្ត ៕
ចែករំលែកព័តមាននេះ