ខេត្តកំពង់ឆ្នាំង ៖ ដោយសារកំណើនអ្នកទោសបានកើនឡើងធ្វើឱ្យចង្អៀតពន្ឋនាគារនៅព្រឹកថ្ងៃទី១៣ ខែកញ្ញា ឆ្នាំ២០១៧ មន្ត្រីពន្ឋនាគារខេត្តកំពង់ឆ្នាំង និងអគ្គនាយកដ្ឋានពន្ឋនាគារ ក្រសួងមហាផ្ទៃ បានរៀបចំ បញ្ជូនអ្នកទោសក្នុងពន្ឋនាគារខេត្តកំពង់ឆ្នាំងចំនួន៩០នាក់ទៅកាន់ពន្ឋនាគារ និងមណ្ឌលកែប្រែខេត្តពោធិ៍សាត់ដើម្បីសម្រួលដល់ការរស់នៅរបស់អ្នកទោសឱ្យមានភាពទូរលាយ ។
លោក ពៅ វុទ្ឋី ប្រធានពន្ឋនាគារខេត្តកំពង់ឆ្នាំងបានបញ្ជាក់ថា ដោយសារតែមានកំណើនអ្នកទោសបានកើនឡើងច្រើនរហូតដល់បច្ចុប្បន្ននេះមានចំនួនដល់ទៅ៧៤០នាក់បានធ្វើឱ្យចង្អៀតក្នុងពន្ឋនាគារគណៈបញ្ជាការឯកភាពខេត្ត និងរូបលោកបានធ្វើសំណើរទៅក្រសួងមហាផ្ទៃដើម្បីសុំផ្ទេរអ្នកទោសមួយចំនួនចេញពីពន្ឋគារខេត្តកំពង់ឆ្នាំងទៅកាន់ពន្ឋនាគារខេត្តផ្សេង ។
ជាលទ្ធផលសម្តេចក្រឡាហោម ស ខេង ឧបនាយករដ្ឋមន្ត្រី និងជារដ្ឋមន្ត្រីក្រសួងមហាផ្ទៃបានសម្រេចឱ្យផ្ទេអ្នកទោសចំនួន៩០នាក់ទៅកាន់ពន្ធនាគារខេត្តពោធិ៍សាត់ ៕
ចែករំលែកព័តមាននេះ