ប្រកាសអាសន្នព្យុះទីហ្វុង TALIM
ប្រទេសចិន ៖ មជ្ឈមណ្ឌលឧតុនិយមជាតិចិន CMN កាលពីថ្ងៃទី១២ កញ្ញា បានចេញការប្រកាសអាសន្នពណ៌ទឹកក្រូចចំពោះខ្យល់ព្យុះទីហ្វុងឈ្មោះ TALIM ជាព្យុះទី៨ប្រចាំឆ្នាំ ។…
ប្រទេសចិន ៖ មជ្ឈមណ្ឌលឧតុនិយមជាតិចិន CMN កាលពីថ្ងៃទី១២ កញ្ញា បានចេញការប្រកាសអាសន្នពណ៌ទឹកក្រូចចំពោះខ្យល់ព្យុះទីហ្វុងឈ្មោះ TALIM ជាព្យុះទី៨ប្រចាំឆ្នាំ ។…
ប្រទេសចិន ៖ មជ្ឈមណ្ឌលឧតុនិយមជាតិចិន CMN កាលពីថ្ងៃទី១២ កញ្ញា បានចេញការប្រកាសអាសន្នពណ៌ទឹកក្រូចចំពោះខ្យល់ព្យុះទីហ្វុងឈ្មោះ TALIM ជាព្យុះទី៨ប្រចាំឆ្នាំ ។
ក្នុងសេចក្តីប្រកាសមួយ CMN គូសបញ្ជាក់ថា ថ្ងៃទី១២ កញ្ញា វេលាម៉ោង១៧ម៉ោងក្នុងស្រុក ភ្នែករបស់ព្យុះ TALIM ស្ថិតនៅពីលើភាគពាយ័ព្យនៃមហាសមុទ្រប៉ាស៊ីហ្វិកចម្ងាយ១.០៥០គីឡូម៉ែត្រ ភាគអាគ្នេយ៍ក្រុង ZHOUSHAN ខេត្ត ZHEJIANG ដោយមានកម្លាំងខ្យល់ក្នុងល្បឿន៣៨ម៉ែត្រក្នុងមួយវិនាទី ។ យោងតាមការព្យាករណ៍របស់ CMN ព្យុះនេះត្រូវបោកបក់ឆ្ពោះទៅទិសពាយ័ព្យ ហើយមកដល់ដែនដីខេត្ត ZHEJIANG ចន្លោះយប់ថ្ងៃទី១៤ កញ្ញា និងព្រឹកថ្ងៃទី១៥ កញ្ញា ។ ថ្ងៃទី១២ មកថ្ងៃទី១៣ កញ្ញា ព្យុះ TALIM មានខ្យល់បោកបក់ខ្លាំងនៅភាគខាងជើងនៃសមុទ្រចិនខាងកើត ក្នុងច្រកសមុទ្រតៃវ៉ាន់ និងឆ្នេរសមុទ្រខាងកើតនៃកោះតៃវ៉ាន់ ព្រមទាំងផ្នែកមួយចំនួននៃសមុទ្រចិនខាងត្បូង ។
CMN ក៏ព្រមានផងដែរពីព្យុះទី១៩ប្រចាំឆ្នាំដែលនៅពុំទាន់មានឈ្មោះនៅឡើយ ខណៈនារសៀលថ្ងៃទី១២ កញ្ញា វាស្ថិតនៅពីលើសមុទ្រចម្ងាយ១.១៣០គីឡូម៉ែត្រ ភាគអាគ្នេយ៍ក្រុង WENCHANG ខេត្តហៃណាន់ ហើយបោកបក់ឆ្ពោះទៅទិសពាយ័ព្យ ៕
ចែករំលែកព័តមាននេះ