រាជធានីភ្នំពេញ ៖ កាលពីវេលាម៉ោង០៨យប់ ថ្ងៃទី១២ ខែកញ្ញា ឆ្នាំ២០១៧ កម្លាំងសមត្ថកិច្ចខណ្ឌឬស្សីកែវ បានធ្វើការឆ្មក់ចូលទីតាំងផ្ទះសំណាក់មួយកន្លែង ដែលស្ថិតនៅផ្លូវ៥៩៨ សង្កាត់គីឡូម៉ែត្រលេខ៦ ខណ្ឌឬស្សីកែវ រាជធានីភ្នំពេញ ។ ក្នុងប្រតិបត្តិការនេះ សមត្ថកិច្ចបង្ក្រាបបានជនសង្ស័យ២នាក់ រួមនិងគ្រឿងញៀន២៣កញ្ចប់ ថង់វេចខ្ចប់មួយចំនួន ។ ជនសង្ស័យ២នាក់ខាងលើមាន ទី១.អ៊ិន ផល្លា ហៅ អាហេង ភេទប្រុស អាយុ២៣ឆ្នាំ មុខរបរមិនពិតប្រាកដ ស្រុកកំណើតនៅក្រុងប៉ៃលិន ខេត្តប៉ៃលិន និងទី២. ប៊ុន បណ្ឌិត ភេទប្រុស អាយុ៣០ឆ្នាំ មុខរបរមិនពិតប្រាកដ ស្នាក់នៅសង្កាត់គីឡូម៉ែត្រលេខ៦ ខណ្ឌឬស្សីកែវ រាជធានីភ្នំពេញ ៕
ចែករំលែកព័តមាននេះ