អ្នកនយោបាយខ្លះនៅកម្ពុជា…ច្រើននាក់ហើយបានវ័ណ្ឌក ដោយជាប់អន្ទាក់នយោបាយរបស់មហាអំណាចបរទេស…ជាពិសេសអន្ទាក់មហាអំណាចលោកសេរី និងលោកកុម្មុយនីស…។ អន្ទាក់នយោបាយកន្លងមក…បានដឹកច្រមុះដូចគេខ្លុះគោក្របីឱ្យដើរតាម…ទីបំផុតបានដុតកម្លោចមាតុភូមិឱ្យខ្ទេចខ្ទាំអស់…រហូតជីវិតមនុស្ស និងសង្គម…។ លន់ នល់ – សិរិមតៈ ធ្វើរដ្ឋប្រហារទម្លាក់របបសង្គមរាស្ត្រនិយមរបស់សម្តេចព្រះនរោត្តម…
អ្នកនយោបាយខ្លះនៅកម្ពុជា…ច្រើននាក់ហើយបានវ័ណ្ឌក ដោយជាប់អន្ទាក់នយោបាយរបស់មហាអំណាចបរទេស…ជាពិសេសអន្ទាក់មហាអំណាចលោកសេរី និងលោកកុម្មុយនីស…។
អន្ទាក់នយោបាយកន្លងមក…បានដឹកច្រមុះដូចគេខ្លុះគោក្របីឱ្យដើរតាម…ទីបំផុតបានដុតកម្លោចមាតុភូមិឱ្យខ្ទេចខ្ទាំអស់…រហូតជីវិតមនុស្ស និងសង្គម…។
លន់ នល់ – សិរិមតៈ ធ្វើរដ្ឋប្រហារទម្លាក់របបសង្គមរាស្ត្រនិយមរបស់សម្តេចព្រះនរោត្តម សីហនុ…ដោយមានអាមេរិកសម័យប្រធានាធិបតីនិច សុន ជាអ្នកនៅពីក្រោយ…។
សង្គ្រាមផ្ទៃក្នុងផ្ទុះឡើង…អាមេរិកទម្លាក់គ្រាប់បែកជាង២៣០.០០០ដងស្មើនឹង២,៧៥លានតោន…មកលើទីតាំង១១៣.០០០កន្លែងក្នុងទឹកដីកម្ពុជា…គឺស្ទើរសុះដី…។
ចំណែកប៉ុល ពត – អៀង សារី – ខៀវ សំផន ជាអ្នកនយោបាយជាប់អន្ទាក់ចិនកុម្មុយនីស្តសម័យម៉ៅ សេទុង និង ចាង ឈិញ ជាប្រពន្ធ…ឈ្នះសង្គ្រាមអាមេរិកនៅកម្ពុជា…មុន ១៧ មេសា ប៉ុន្មានថ្ងៃ…អាមេរិកបានលើកគ្នារត់ចេញពីភ្នំពេញដោយហៅ សិរិមតៈ ទៅជាមួយ…។
ប៉ុន្តែត្រូវ សិរិមតៈ ដែលជាអាយ៉ងបាននិយាយថា…ក្នុងមួយជីវិតនេះខ្ញុំសោកស្តាយណាស់ដែលចាញ់បោកលោកឯង…ខ្ញុំសុខចិត្តស្លាប់ក្នុងមាតុភូមិរបស់ខ្ញុំ…ហើយក៏ត្រូវខ្មែរក្រហមចាប់បានយកទៅសម្លាប់ចោលបាត់ទៅ…។ នេះហើយអន្ទាក់នយោបាយ…។
ចំណែកប៉ុល ពត – អៀង សារី – ខៀវ សំផន ដែលជាប់អន្ទាក់នយោបាយចិន ម៉ៅ សេទុង…បានចាញ់សង្គ្រាមឆ្នាំ១៩៧៩…ខ្លះស្លាប់ ខ្លះទៀត ដេកគុកអស់មួយជីវិត…។
កម្ពុជាពីអតីតកាល…នៅមានអ្នកនយោបាយច្រើននាក់ទៀត…ដែលធ្លាប់ជាប់អន្ទាក់នយោបាយបរទេស…គ្មានជីវិតរស់នៅសុខស្រួលទេ…ទុកកេរ្តិ៍ឈ្មោះឱ្យប្រវត្តិសាស្ត្រចារទុក មិនល្អសោះឡើយ…។
អ្នកធ្វើនយោបាយ…ដែលជាប់អន្ទាក់នយោបាយមហាអំណាចពិភពលោកទាំង «២គ្រឿង»នោះ…បើតាមទស្សនមហាជន…បានចោទប្រកាន់គួរឱ្យកត់សម្គាល់ថា…គ្មានអ្នកនយោបាយណាដែលមិនជាប់អន្ទាក់នយោបាយមហាអំណាចទេ…សម្រាប់ប្រទេសតូចតាចក្នុងលោក…។
ប្រការសំខាន់ដែលធ្វើឱ្យអន្ទាក់នយោបាយវ័ណ្ឌករើមិនរួច…វាបណ្តាលមកពីអ្នកនោះឯង ជាអ្នកនយោបាយ«ស្ទើរភ្លើង…» ហេ! ហេ!
ចែករំលែកព័តមាននេះ