កំណាព្យ (រឿងនឹងគឺអ្វី?) បទបថ្យាវត្ត ដោយ លីម ចំរើន
១. រឿងនេះពេលខ្លះគិតទៅគួរសាំ មិនគួរអីចាំវក់ឆ្កួតក្នុងចិត្ដ
ក្មេងចាស់ប្រុសស្រីអាចជួបភ័យភិត ជួនអស់ជីវិតកិត្ដិយសផងដែរ។
១. រឿងនេះពេលខ្លះគិតទៅគួរសាំ មិនគួរអីចាំវក់ឆ្កួតក្នុងចិត្ដ
ក្មេងចាស់ប្រុសស្រីអាចជួបភ័យភិត ជួនអស់ជីវិតកិត្ដិយសផងដែរ។
១. រឿងនេះពេលខ្លះគិតទៅគួរសាំ មិនគួរអីចាំវក់ឆ្កួតក្នុងចិត្ដ
ក្មេងចាស់ប្រុសស្រីអាចជួបភ័យភិត ជួនអស់ជីវិតកិត្ដិយសផងដែរ។
២. បើតាមខ្ញុំចាំចំណាំហូរហែរ មិនថាក្រុងស្រែអ្នកក្រអ្នកមាន
មិនថារូបខ្ញុំឬគេពេលឃ្លាន វិលអស់វិញាណជួនភ្លេចខុសត្រូវ។
៣. អ្នកខ្លះធ្វើខុសកំហុសអាស្រូវ អាក្រក់ពេកកូវមិនសមជាមនុស្ស
មានខួរឥតគិតគំនិតដូចមូស បឺតឈាមទាល់លុះឆ្អែតស្កប់ក្នុងប្រាណ។
៤. ហើរសឹងពុំរួចលួចរត់ពុំបាន ជួនអាចស្លាប់ប្រាណគេវៃឱ្យក្ស័យ
ដូចជាអ្នកខ្លះឆ្កួតណាស់ខ្លាំងក្រៃ ល្ងាចព្រឹករាល់ថ្ងៃខ្លាចក្ស័យសង្ខា។
៥. ក្បត់ចិត្ដគ្នីគ្នាពាលាសាវា ឆ្កួតនេះអសា្ចរ្យហាក់គ្មានយល់ន័យ
បើឆ្កួតខ្លាំងពេកជាក់ដេកក្នុងដី មិនថាប្រុសស្រីអាចជួបគ្រប់គ្នា។
៦. ហេតុអ្វីចាំគិតគំនិតពាលា វក់ឆ្កួតគ្រប់គ្រាតាមគ្នាមិនគិត
គ្មានចិត្ដស្រណោះរបស់ធ្លាប់ស្និទ្ធ ប្រុសស្រីស្នេហ៍ពិតពេលផ្ដើមដំបូង។
៧. មិនថែឱ្យល្អបវរដូចត្បូង ចាំបាច់ចំរូងចំរាស់បញ្ហា
ខ្លះទាស់លែងគ្នាក្នុងក្រុមគ្រួសារ បែកបាក់ស្នេហាក៏ព្រោះរឿងនឹង។
៨. វានេះគ្រប់គ្នាទាមទារទន្ទឹង អធ្រាត្រស្ងាត់ឈឹងប្រឹងផ្ដើមអារម្មណ៍
ខ្លះចិត្ដច្របល់ខ្វាយខ្វល់ក្រៀមក្រំ ហាក់រកអ្វីស្អំបំបាត់ទុក្ខា។
៩. រឿងនេះគេដឹងពាសពេញលោកា មិនថាសាសន៍ណាតែងជួបគ្រប់គ្រា
ផ្សំពាក្យពីរម៉ាត់កាត់បូកចូលគ្នា គិតយូរពិតជារកឃើញចំលើយ។
១០. ដូចពាក្យសំឡីបាត់ព្យាង្គចុងហើយ រកអ្នកកៀកកើយវាស់បូកផ្សំន័យ
វាស់បាត់បន្ដក់ស្លេកស្លាំងភិតភ័យ ជំនួសត្រង់ឡីន័យឃើញជាក់ច្បាស់។
នៅស្ទឹងត្រែងៈថ្ងៃសៅរ៍ ទី១៣ ខែមីនា ឆ្នាំ២០១០ (២១:១៥ នាទីយប់)
តែងដោយៈលោក លីម ចំរើន ទូរស័ព្ទលេខៈ០១២ ៥១ ៩១ ៣៧ / ០១១ ៣៧ ៨១ ៧១
Email:limchamroeun@yahoo.com
ចែករំលែកព័តមាននេះ