រាជធានីភ្នំពេញ ៖ លោកនុត ពុធដារ៉ា អភិបាលខណ្ឌដង្កោ និងលោកឧកញ៉ា លាង ម៉េង អគ្គនាយកក្រុមហ៊ុនខ្មែរប្រ៊ូវើរី លីមីតធីត រួមដំណើរជាមួយលោក លោកស្រី ជាមន្ត្រីអ្នកមុខ អ្នកការក្នុងខណ្ឌដង្កោ ព្រមទាំងអ្នកជំនាញផ្នែកសំណង់របស់ក្រុមហ៊ុនបានចុះទៅពិនិត្យការដ្ឋានសំណង់អគារចំនួន៣ ជាអំណោយដ៏ថ្លៃថ្លារបស់សម្តេចអគ្គមហាសេនាបតីតេជោ ហ៊ុន សែន ដែលមានទីតាំងនៅតាមផ្លូវលេខ២១៧ ក្នុងភូមិថ្មី សង្កាត់ដង្កោ ខណ្ឌដង្កោ កាលពីព្រឹកថ្ងៃទី១៣ កញ្ញា ២០១២ ។
សាលប្រជុំមួយខ្នង អគារការិយាល័យកងរាជអាវុធហត្ថខណ្ឌមួយខ្នង និងអគារការិយាល័យនគរបាលខណ្ឌមួយខ្នង ដែលជាអំណោយរបស់សម្តេចអគ្គមហាសេនាបតីតេជោ ហ៊ុន សែន និងលោកជំទាវកិត្តិព្រឹទ្ធបណ្ឌិត តាមរយៈក្រុមហ៊ុនខ្មែរប្រ៊ូវើរីលីមីតធីត គិតជាទឹកប្រាក់សរុបចំនួន២៤០.០០០ដុល្លារសហរដ្ឋអាមេរិក ។
សំណង់អគារទាំង៣ខ្នងនេះបានចាប់ដំណើរការសាងសង់ចាប់ពីថ្ងៃទី២៥ មិថុនា ២០១២ រហូតមកដល់បច្ចុប្បន្នសម្រេចបានប្រមាណជា៦០ភាគរយហើយ នឹងគ្រោងបញ្ចប់ការសាងសង់ឱ្យបានរួចរាល់ជាស្ថាពរនៅដើមឆ្នាំ២០១៣ ខាងមុខនេះ ។
ព័ត៌មានលំអិតនឹងផ្សាយជូននៅពេលក្រោយ នៅលើទំព័រកាសែតកោះសន្តិភាព និងនៅតាមវិទ្យុសំឡេងកោះសន្តិភាព FM 87.75 រាជធានីភ្នំពេញ, FM 87.5 ខេត្តបាត់ដំបង៕
ចែករំលែកព័តមាននេះ