ខេត្តតាកែវ ៖ មនុស្សប្រុស-ស្រី និងកុមារចំនួន៧១នាក់បានរាករូសក្អួតចង្អោរគ្រប់ៗគ្នាត្រូវបានរថយន្តសង្គ្រោះស្នងការដ្ឋាននគរបាលខេត្ត និងរថយន្តរបស់មន្ទីរពេទ្យបង្អែកចំនួន៥គ្រឿងដឹកទៅសង្គ្រោះនៅមន្ទីរពេទ្យបង្អែកខេត្ត ខណៈដែលពួកគេនាំគ្នាទិញនំបញ្ចុកដែលសល់ពីបុណ្យយកទៅទទួលទាន ហើយករណីនេះមិនបណ្តាលឱ្យប្រជាពលរដ្ឋ ឬកុមារណាម្នាក់ស្លាប់បាត់បង់ជីវិតឡើយ គ្រាន់តែមានអ្នកធ្ងន់ និងស្រាលប៉ុណ្ណោះ ។
ហេតុការណ៍នេះបានកើតឡើងកាលពីថ្ងៃទី៣០ សីហា ២០១២ វេលាម៉ោង៨និង២០នាទីយប់ ស្ថិតនៅភូមិស្វាយអំពា ឃុំស្រែង៉ែ ស្រុកទ្រាំង។ លោកទៀង ម៉ាលី អធិការនគរបាលស្រុកទ្រាំង ឱ្យដឹងថា ជនរងគ្រោះដែលទទួលទាននំបញ្ចុករួចអ្នកខ្លះក្អួតចង្អោរ និងខ្លះទៀតរាករូសពុលពេញភូមិនោះសរុបទៅ៧១នាក់ ប្រុស៣០នាក់ ស្រី៣១នាក់ ក្នុងនោះមានកុមារចំនួន១០នាក់ផងដែរ ។
ព័ត៌មានលំអិតនឹងផ្សាយជូននៅពេលក្រោយ នៅលើទំព័រកាសែតកោះសន្តិភាព និងនៅតាមវិទ្យុសំឡេងកោះសន្តិភាព FM 87.75 រាជធានីភ្នំពេញ, FM 87.5 ខេត្តបាត់ដំបង៕
ចែករំលែកព័តមាននេះ