ខេត្តប៉ៃលិន ៖ យុវនារីម្នាក់ឈ្មោះឌី ឌីណា អាយុ១៩ឆ្នាំ ត្រូវពស់ពព្លាក់ចឹកចំកែងជើងខាងស្តាំ បណ្តាលឱ្យឈឺចុកចាប់យ៉ាងខ្លាំង ហើយត្រូវបានម្តាយដឹកតាមម៉ូតូបញ្ជូនទៅសង្គ្រោះនៅមន្ទីរពេទ្យបង្អែកខេត្ត កាលពីវេលាម៉ោង៩និង៣០នាទីព្រឹក ថ្ងៃទី៣១ សីហា ២០១២ នៅផ្ទះជនរងគ្រោះ ស្ថិតក្នុងភូមិវត្ត សង្កាត់ប៉ៃលិន ក្រុងប៉ៃលិន ។
ប្រភពព័ត៌មានបានឱ្យដឹងថា នៅព្រឹកថ្ងៃកើតហេតុនារីរងគ្រោះនៅផ្ទះតែម្នាក់ឯង ដោយឪពុកទៅចម្ការ ម្តាយជាប់រវល់ទៅប្រជុំនៅក្នុងសាលាខេត្ត លុះដល់ម៉ោងប្រហែល៩ព្រឹកនាងបានយកខោអាវដែលប្រឡាក់ទៅបោកគក់នៅខាងក្រោយផ្ទះ ក្បែរពាងទឹក។ ពេលនាងកំពុងអង្គុយបោកសុខៗ ស្រាប់តែមានពស់មួយក្បាលធំជាងមេជើងវារចេញមកពីក្រោមពាងចឹកចំកែងជើងខាងស្តាំតែម្តង ។
ព័ត៌មានលំអិតនឹងផ្សាយជូននៅពេលក្រោយ នៅលើទំព័រកាសែតកោះសន្តិភាព និងនៅតាមវិទ្យុសំឡេងកោះសន្តិភាព FM 87.75 រាជធានីភ្នំពេញ, FM 87.5 ខេត្តបាត់ដំបង៕
ចែករំលែកព័តមាននេះ